Täschnekerjropp för de Metmaacherjemeinschaff / Ömfrohch övver de Memaacherjemeijnschavv ier Wonschless / Ennlahdong
Ömfrohch övver de Memaacherjemeijnschavv ier Wonschleß
Wellkumme!
De Täschnekerjropp för de Metmaacherjemeinschaff beij de Wikkimehdija-Schtefftong sin drobb uß, bäßere Hellefsmeddel un Projramme ze maache, öm de Metmaacher et modderehre un beärbeijde un esu wigger leijschter ze maache. Mer fange nu en Ömfrohch övver de Memaacherjemeijnschavv ier Wonschless aan, öm de nözleschßte Saache eruß ze fenge, woh mer draan ärbeijde künne.
För der eezte Dorschjang, lahde mer alle Aktihve enn, koote Vörschlähsch ennzereische. Se sulle beschrihve, wöh me draan ärbeijde sulle, un woröm da vun Belang es. Dat sull zwai Woche dohre. Em zwaijte Dorschjang bedde mer Üsch, övver di Vörschlähsch affzeschemme. Dernoh dom_mer di zehn bäß-plazehrte Vörschlähsch erusfenge un mache en Wonschleß met Prejorritähte doh druß.
Och wann et Mihzde vun all dämm en Änglesch schtattfengk, dom_mer Lük vun alle Wikkis vun de Wikkemehdija-Schtefftong ennlahde, ier Vörschlähsch ennzereijsche. Mer donn och freiwelleje Övvesäzer ennlahde, ze hällefe, Vörschlähsch en et Änglesche ze övverdrahre.
Ühr Vörschlähsch sullte dat Problehm benänne, woh_t dröm jeiht un wat_Er jelöhß hann wullt, wä derfun jät hann sull udder jät hann weed, un Ühr Ideeje, wann_Er hatt, wih dat jedonn wähde kann. Mer kann sing Vörschlähsch op dä Sigg för de Ömfrohch övver de Memaacherjemeijnschavv ier Wonschless loßß wähde, övver dat Fäld för ed Ennjävve un dä jruhße, för jewöhnlesch bloue, Knopp. Mer nämme Vörschlähsch för zwai Woche aan. Dat jeihjd bes zom 23. Novämber.
Läßßt mih doh drövver, wi mer Vörschlähsch ennreische deihjd, udder jidd ons Rökmäldonge övver de Klaafsigg. Mer freuje ons, Ühr Idehje känne ze lihre!
Ömfrohch övver de Memaacherjemeijnschavv ier Wonschless
Wellkumme!
Mer fange jrahd mem zwaite Deijl vun dä Ömfrohch övver de Memaacherjemeijnschavv ier Wonschleß aan, un mer lahde alle Aktihve enn, övver de ennjereijschte Vörschlähsch affzeschtemme.
Dangk üsch un anndere Metschrihver aan de Wikkipehdija sin 111 Vörschlähsch bei de Wärkjropp aanjekumme. Di ham_mer en Jroppe ennjedeijld, un jäz küdd_et obb Üsch aan, do för Schtemme affzejävve. Mer kann för jede Vörschlaach schtemme, dä op dä Sigge opjeföhrd es, enndämm dat mer dä Befähl
„{{Support}}“ enndräht. Doht reuhjesch Ühr Meinonge doför udder dojähje opschrihve. Mer zälle aam Ängk dann de Schtemme, di derföhr sin. Ühr hat zwai Woche Zigg, dat ze donn. De Affschtemmong jeihd bes zom 14. Dezämmber.
De Vörschlähsch met de mihzde Ongerschtözerschtemme wähde för de Ärbeijdsjropp vun de Maacher op de Schpezeposizjuhne zom Ongersöhke un beärrbeijde jesaz. Mer bedangke ons för et Metmaache un mer freuje ons drop, ze hühre, wadd_er dängk.