Fund drives/2005/Q4 planning/Translations/Fundraising drive letter - wa
(ang) (ar) (ast) (bg) (br) (ca) (cs) (cy) (da) (de) (en) (el) (eo) (es) (et) (fi) (fr) (gl) (hu) (he) (ia) (id) (it) (ja) (ko) (ml) (nap) (nl) (nn) (pl) (pt) (ro) (ru) (sc) (sk) (sl) (sh) (sr) (su) (sv) (th) (tr) (vi) (ua) (wa) (zh) edit
Li fondåcion Wikimedia eyet les dijhinnes di meye di volontaires ki contribouwèt do tins eyet del sepiance po ses pordjets ont l' idêye ki l' kinoxhance c' est do pouvwer eyet ki ça dvreut, ki ça doet, dmorer libe.
Li binamé sopoirt di djins come vos a permetou ki Wikipedia divegne li pus grande eciclopedeye sol Daegne (eyet l' prumire et co todi l' seule eciclopedeye e walon). I gn a seulmint kékès anêyes, wikipedia.org n' aparexheut nén ddja dins les 10.000 waibes les pus rwaiteyes; asteure elle est dins les 30 del copete, avou pus d' 2,5 miyons d' pådjes dimandêyes rén k' pol moes d' nôvimbe 2005. L' anêye passêye, moens d' ene mitan d' åcint des djins sol daegntoele ont-st eployî wikipedia.org. Asteure, ci nombe la a cåzu cwadruplé eyet nos ns ratindans a ene sifwaite crexhance po l' anêye ki vént. Avou voste aidance, des dijhinnes di miyons d' pus d' djins vont poleur eployî wikipedia eyet ses pordjets frés l' anêye ki vént.
Po siervi ene båze d' uzeus al crexhance esponinciele, li budjet da nosse a stî ragrandi di 15.000 USD (a pô près 13.000€) e 2003, a pus d' 125.000 USD (~100.000€) e 2004, eyet pus d' 700.000 USD (~600.000€) po ciste anêye ci. Po l' anêye ki vént, li fondåcion Wikimedia s' ratind a dveur alouwer pus d' on miyon avou l' minme crexhince, po-z amidrer nos programes et nos metôdes po mî waeranti l' boune cwålité do contnou eyet continouwer a-z ovrer po nosse såme di forni del libe kinoxhance po tertos. Ces nombes sont nouzomes, mins pareymint nouzome a stî l' bouye di fé l' pus grande eciclopedeye sol Daegn e moes d' cénk anêyes. Avou vost aidance nos l' polans fé.
Wikipedia eyet ces pordjets frés egzistêye seulmint gråces åzès contribouwaedjes: les cis des djins ki scrijhèt do contnou tot-z estant volontaires po dner di leu tins et d' leus efoirts, eyet les contribouwaedjes avou des aidants. Del minme manire ki minme des ptits candjmints a èn årtike aidèt a-z amidrer si contnou, tchake donåcion, minme les pus ptites, aide a mintni l' éndjolreye k' i fåt po pleur siervi ci contnou la. Li moyene des donåcions k' on rçût est di 15€, mins tchaeke çanse conte.
Nos ns adressans a vos e cisse periode di vacances ci po k' vos ns aidîz a rinde çoula possibe. C' est vos donåcions ki nos permetèt d' continouwer a crexhe eyet divni meyeu. Les donåcions al fondåcion wikimedia polèt esse fwaites dins bråmint d' manoyes diferinnes; eyet ele polèt esse discontêyes des impots dins sacwants payis.
Asteure c' est l' moumint d' eritchî l' Daegn avou del libe kinoxhance.
Gråces po voste aidance!
Jimmy Wales, Florence Devouard, Angela Beesley, eyet l' restant d' l' ekipe Wikimedia.