Fundraising 2009/FAQ/pam

---

Translations of wmf:FAQ/en: ^±

• da/dansk (closed)
• de/Deutsch (closed)
• en/English (published)
• es/español (closed)
• fr/français (closed)
• it/italiano (closed)
• ja/日本語 (closed)
• nb/norsk bokmål (closed)
• nl/Nederlands (published)
• sv/svenska (closed)
• ar/العربية (closed)
• cs/čeština (closed)
• el/Ελληνικά (closed)
• fi/suomi (closed)
• he/עברית (closed)
• hu/magyar (closed)
• id/Bahasa Indonesia (closed)
• mk/македонски (closed)
• pl/polski (closed)
• pt/português (closed)
• ru/русский (closed)
• zh-hans/中文（简体） (published)
• zh-hant/中文（繁體） (published)
• pam/Kapampangan (published)
• lb/Lëtzebuergesch (closed)

Deng Pekamaralas Dang Kukutang 2009

Nukarin munta ing cualta ku?

Kareng tau, ampo king tecnologia. Lipat ning metung ya kareng limang pekamaralas dang pupuntalan king yatung website o karinan king Apras ing Wikipedia ampo reng proyectung kapatad na, ala la pang 35 deng kayang empleadu; lon ye ing tungkul kareng kekaming staff. Manga kapitna kareti, keng tecnologia ing obra da - metung a malating grupung susuporta kareng kekaming actividad a makiugnayan king malda ampong pamanasicasu careng volunteer, at deng mitatagan a staff, magobra la king pamangalap pondu ampong kapanibalan (administration). Bukud kaniti, pupunta ing kekang suporta king pamamayad king balangkas a tecnologia (deng server ampong bandwidth) a magpanatiling kikimut ya ampong daragul ing Wikipedia.

Ing pekamaulaga nang papil ning Wikimedia Foundation, ing pamaniuporta ampong pamagparakal king pamiugnayan da reng volunteer a susulat ampong maniamasan king Wikipedia ampo reng kayang kapatad a proyectu -- maigit dinalan a libung (100,000) tau king mabilug a yatu.

King makuyad a salita, nanu ya ing Wikipedia?

Ing Wikipedia ing pekamaragul ampong pekasikat a enciclopedia king yatu. Makabulalag ya king Aptas (online), libri yang gamitan, at ala yang patalastas o advertising. Atin yang maigit king 14 miliun a articulung sinulat da reng volunteer kareng maigit 250 amanu, at pupuntalan de reng 330 miliun a tau balang bulan, ania kalima yang pekasikat a karinan o site king yatu. Melalang ya king pamisaup-saup, at digdagan de at semasan deng miliun-miliung tau king milabasan a walung banua: agiang ninu, makapag-edit, agiang nanung oras. Ing Wikipedia ing pekamaragul a pamitipun ning pirakeng beluan king kasalesayan ning tau, at deng taung susuporta kaya, misasanmetung la king karelang lugud king beluan, king karelang kapagnasan a apanigaralan ing sabla, ampo ing karelang kamalayan a mas dakal tamu balu nung abe-abe tamu, kesa nung magdili-dili ya ing balang metung kekatamu

Nukarin ku maliaring manikuang karagdagang informacion king pisalapian?

Ing kekatamung Banua-banuang Ulat o Annual Report ing pekamaulagang kasangkapan ning kapakibatan kareng kekaming migkalub o donor. Isplica no reng kekaming programa, at atin yang makuyad a sampulung (summary) ning pekamaulagang informacion king pisalapian. Maliari kang mikuldas o mag-download malinong copia (high resolution copy) ning 07-08 Annual Report (3.7 MB PDF).

Isplica nang mas detallado ning kekaming Annual Report deng kekaming programa ampong ing pekamaulagang informacion king pisalapian. Maliari kang manguldas o mag-download copia ning ULat king Banuang 07-08 (3.7 MB PDF), at nung magkalub ka king Aptas o online, i-email daka potang lumual ne ing kekaming tutuking Banua-banuang Ulat o Annual Report.

Nung buri mung panigaralan a mas detalladu ing kekatamung pisalapian, makapamie kaming karagdagang informacion kareng ulat ampong planu king pisalapian. Ba mung mas aintindian nung makananu yang magamit ing kekang pigkalub o donacion, maliari kang manakit mas detalladung pamagpalino ning kekatamung pamangastus king Annual Plan Presentation to the Board of Trustees (PDF). Kayabe keti ing:

• Sampulung (summary) dareng pekamaulaga ampong manimunang pigastusan (strategic spending priorities)
• Pamiyanti (comparison) ning miliaring pamangastus king 08-09 cumpara king planung 09-10
• 09-10 a pamirake ning pamangastus king balang departamental (departmental budget breakdown)
• Sampulung da reng pekamatas a miragdag king pamangastus keng 09-10
• Pamilarawan king pangabalangkas ning aguman (organizational chart)
• Planu king pamananggap empeladu keng 2009-10

Sinulat kami muring bulung da reng bulung da reng Kutang ampong Pakibat a makaugne kareng planu. Ating karagdagang informacion king pisalapian, kayabe la reng copia ning kekatamung mesuring ulat king pisalapian (audited financial statements) angga king pekabayung fiscal year, king bulung da reng ulat pisalapian o financial reports page.

Magbalik king babo – Magkalub na ka ngeni

Metung yang aguman a babie saup (charity) ing Wikimedia Foundation?

Wa. Metung yang aguman a alang tubu, ampong e bubuisan (tax-exempt non-profit organization), agpang king 501(c)(3), ing Wikimedia Foundation. Maliari meng lon ing kekatamung sulat ning pamitimawa king buis (letter of tax-exemption) ampo reng kekatamung ulat king pisalapian ampong banua-banuang pamamie ulat king panakitan (financial reports and annual filings).

Magbalik king babo – Magkalub na ka

=== Obat magkalub ku o mamie king Wikimedia Foundation? ===á

IObra ning Wikimedia Foundation ing pamamieng saguling paralan bang miras ing beluan ampong informacion kareng tau king mabilug a yatu—a alang bayad ampong alang patalastas o advertising. Metung kaming aguman a e magtubu, at magdependi kami kekayu ba ming agawa ita. Derechu dang susuportan ning kekayung pamagkalub o donacion deng pekasikat a proyectung dalerayan a saup-saup a sasamasan (reference projects) king yatu, kayabe ne ing Wikipedia, metung kareng limang pekasikat a karinan o site, ing pekamaragul a enciclopediang melalang king kasalesayan ning tau.

Magbalik king babo – Magkalub na ka

Nanu ing planu yu? Nukarin papunta ini?

Anti ing sinabi ning talatátag, i Jimmy Wales:"Isipan me ing yatu nung nukarin ing balang metung a tau libri yang makapirake king kabilugan ning beluan." Karin ya papunta — at kailangan mi ya ing saup yu bang miras karin.

Balang bulan, maigit kareng 330 miliun a tau king mabilug a yatu ing gagamit king Wikipedia. Ayabut me king Aptas (online), king kekang cellphone, king DVD, kareng libru, ampo kareng aliwang porma. Pagnasan mi ing mas dakal pang ayabut a tau, at taglus-taglus a asamasan ing calidad ning informacion a bibie mi. Bang marapat ita, ini ing gagawan mi:

• gagáwang saguli ing manambag beluan. Mibulalag kaming bayung campania bang mas sagul para kareng talagamit ing pamandagdag sulat ampong multimedia. Manakit kang karagdagang informacion king project website.
• pamaglalang kasangkapan king pamagaral ampong pamanuru ba lang miragdagan deng manambag o contributor: talaturu, profesors, magaral, photographers, talagawang pelicula, cientista, manibalang aklatan o librarian, manibalang simpanan o archivist, manibalang museo o curator, hobbyist, ampong dakal pang aliwa. Magobra kami kayabe ya ing daragul a suge (network) da reng 37 a pang-karinan (grass-roots) a agumang pang-chapter a Wikimedia king mabilug a yatu ba lang ayabut deng anggang taung deti, at agiagan la ba ra keng asaupan a samasan ya ing Wikipedia. Atin karagdagang informacion king project website.
• manalkus (developing) bayung tecnologia ampong procesu para king pamaniuri king calidad a e salungat king maulagang pangatimawa ning Wikimedia. Para kareng maki interes king tecnologia, kayabe la keti deng tecnologia king flagging edits ampong detecting potentially problematic changes.
• pamangunsulta o pamangutang king kekatamung pangyatung comunidad o balayan da reng talapatuntun (editor) ampo kareng expertu o matenakan, volunteer ampong talapanisip (thinkers) king mabilug a yatu bang manalkus (develop) macayaliwang tactica (innovative strategies) ba lang abutan deng mas dakal a tau, kapamilatan da reng kasangkapan a mas matas calidad, among dagdagan la reng bilang da reng volunteer. Ating karagdagang informacion tungkul king planu tamu kilub ning limang banua king project website.
• mitikdong maleparan kaurian a kasangkapan ba yang suportan ing obra ning pangimut a Wikimedia. Lon ya ing monthly report card and our statistics portal.

Katataulian, kapakayan tamung protectan ya (ingatan o ipamingua) ing obrang megawa na: bang mabawas ing panganib a ing calamidad, sakuna, o ing kasiran king tecnologia, magi yang sangkan bang mawala ing metung a dake ning kekatamung obra, at sigaraduan a andat kai, macocopia ya kareng dakal a lugal. E tamu sabik a cumpaniang magumpisa pamu a malaus kilub ning aduang banua -- king lambatan tamu keni.

Magbalik king babo – Magkalub na ka

Makananu yung pititimbang ing pangatimawa/panga makabusni ning Wikimedia king pamangailangan a panatilian yang ayasahan o katiwa-tiwala?

Maniwala kaming ing karagdagan a pamakiabe makasaup ba yang sumanting ing Wikipedia. Samantala, maniwala kaming deng maigpit a batayan (tough standards) a meging sangkan ba reng igalang deng cientista, academico, periodista, ampong katatagan o fundacion.

Magbalik king babo – Magkalub na ka

Nanu ya ing Katatagan Wikimedia (Wikimedia Foundation)?

Ing Wikimedia Foundation, Inc. ing aguman a pengari da reng miayaliwang proyectung timawa kalamnan ('free content projects), lalu na ing Wikipedia, ing sinambut galal (award-winning) a enciclopedia king Aptas o (online encyclopedia). Tetag neng Jimmy Wales ing Wikipedia kanitang Enero 2001, at lelangan ne ing Wikimedia Foundation aniang Junio 2003. Keta pang umpisa, atiu tamu king metung a sangkan: ing timawa ampong makabusning pamirake ning beluan. E mi pisasali ing informacion, at e ke tatanggap patalastas o advertising. Maliliari iti uling king kekang pagkalub. Yatad mi ing kalamnan o makaragdag king beluan king malda kareng anggang pormang maliari. Particular, sasaup kami kareng comunidad a pakakalulu, a kulang pamisuglung (limited connectivity) ba lang manikua, at makapanambag, beluan ampong pamanigaral. .

Atin kaming maigit king 400 a server a palakad kareng kekaming proyectu, kayabe la reng makaugneng domain name ampong marca o trademark. Susuporta kami king makaposicion a pamanalkus king software (strategic software development) king MediaWiki software ampo reng kaugneng kasangkapan, a magpaitulut kareng mas dakal a taung makiabe, at king salukuyan a comunidad da reng volunteer a makapagobrang mas masalese. Kayabe la kerti deng kasangkapan a taganang maki kaugnayan king pamanyiguradu king matas a calidad. Manalkus kaming kasangkapan king pamanigaral, susuporta kareng workshop, ampong alang patugut mimisip aliwang paralan bang magpalub bayung manambag, at paragulan ya ing Wikimedia antimong metung a internacional a pangimut para king timawang beluan.

King sablang iti, susuportan da kami deng local chapter a miyagum kareng miayaliwang bangsa.

Magbalik king babo – Magkalub na ka

Nanu la reng proyectung susuportan yu?

Susuportan ne ning Wikimedia Foundation ing Wikipedia, metung a enciclopedia king Aptas (online encyclopedia) a metung kareng limang pupuntalan dang diling karinan king Aptas (website) king mabilug a yatu. Manibat aniang mitátag ya ing Wikipedia aniang Enero 2001, ampoo ing pangarehistru ning Wikimedia Foundation aniang Junio 2003, makapagmulala ing kekaming pamandagul. Meragul na kareng 6,000,000 articulo ngeni ing Wikipedia king amanung Ingles, ing mumuna ming productu. Nung piabena-abayan la reng Wikipedia kareng anggang amanu, miras la king 47,000,000 deng karelang articulu.

Bukud kaniti, susuporta ya murin ing Wikimedia Foundation kareng makatuki:

• Wikimedia Commons, a metung a simpanan da reng media a maki maigit 43,000,000 a larawan, video ampong simpan a katni (sound files) a timawang magagamit
• Wikibooks, metung a proyectung gawang librung escuela
• Wiktionary, diccionario ampong tesauro kareng miayaliwang amanu
• Wikisource, aklatan da reng documetung dalerayan (source documents)
• Wikinews, a citizen news website website para balitang pang-memalen
• Wikiversity, metung a ‘’interactive learning platform’’
• Wikiquote, pamitipun kareng sinabi da reng tau (quotations)
• Wikispecies, directorio para king bie king yatu

Manimuna kami ampong susuporta king pamanalkus king MediaWiki, ing makabusning pikukuanan open source ) a software king gulut da reng website a pangmalda o pampublico. Sasaup kaming mag-organisang ocasion a pang-comunidad o ba yang abutan ing malda ba lang agiagan deng taung manambag kareng kekaming proyectu, at mamie kaming copiang maliaring ikuldas/i-download a offline ampong simpanan a pang-database o database archives kareng laman ning Wikipedia.

Ating karagdagang informacion ketang bulung tungkul kareng kekaming proyectu.

Magbalik king babo – Magkalub na ka ngeni

Makananu reng palakad ing Wikimedia Foundation?

Atin yang staff king 302 ing Wikimedia Foundation, a panimunan ning Executive Director, i Sue Gardner. Ing staff ing susuporta king obra da reng libu-libung volunteer, a manambag kalamnan kareng proyectu ning Wikimedia. Susuportan de murin ing Wikimedia deng e mabilang a volunteer a makiabe kapamilatan da reng comite, antimong intern, o king paralan a ad hoc o agpang king pamangailangan.

Tutuldu ning Board of Trustees ing damla't talindo (mission and vision) ning Wikimedia Foundation, panigaralan no ampong alkusan (develop) deng pangmaluatan a planu, magmanman ya, at susuporta ya king pamangalap nang pondu ning Wikimedia Foundation. Iti ing katataulian nang upayang pang-aguman (ultimate organizational authority) ning Wikimedia Foundation, anti ing tutuldu da reng kayang bylaw. Lon ya ing Meetings para kareng mibulalag a minute o kapaliarian da reng pulung ampo ing Resolutions para kareng mibulalag a kapasiagan o resolucion ning Board. Mialal ya ing metung a dake ning Board ibat king comunidad da reng talayambag kareng proyectung Wikimedia. Susuporta ya king Board ing metung a Advisory Board, nung nu i Angela Beesley Starling ing talapamuntuk.

Atin kaming tanggapan king San Francisco, California (USA), nung nu la magobra deng keraklan kareng kekatamung empleadu. Deng anggang kayanib ning board ampo reng aliwang staff magobra la ibat king malaut ('work 'remotely).

We strive to operate highly transparently, and have published key policies and financial information. Pipilitan ming magpalakad king paralan a malino (transparently), at bubulalag mi la deng manimunang patakaran ampong informacion king pisalapian.

Magbalik king babo – Magkalub na ka

Nu ya kukuang pondu ing Wikimedia Foundation?

Keraklan, mipupondua ya ing Wikimedia kapamilatan da reng pamagkalub o donacion ibat kareng dalan-dalan a libung tau, dapot atin ya muring mapilang pamanalis pibandian (grants) ampong ampang o regalung server ampong pamag-host (lon ya ing benefactors).

Mákatanggap yang pamagkalub ibat kareng 50 bangsa king mabilug a yatu ing Wikimedia Foundation. Malati la mu deng keraklan kareng pamagkalub, dapot maging matagumpe iti uling king karakal da reti. Mamie la reng tau king mabilug a banua, at misan pabanua, pormal yang makisabi para kareng pamagkalub ing Wikimedia Foundation.

E mi ya isipan a pikuanan panakitan ing pamananggap patalastas o advertising.

Atin yang kabilian king America ing Wikimedia Foundation a e la bubuisan deng pamagkalub kaniti (tax exempt status, lalam ning 501(c)(3)). Mapaliari muring abawas la king buis deng pamagkalub ibat kareng aliwang bangsa. Lon ya ing deductibility of donations para kareng detalle. Mag-click keni para kareng detalle ning pamamieng pamagkalub o donacion kapamilatan ning PayPal, MoneyBookers o kapamilatan ning correo. Para kareng aliwa pang uri ning pamagkalub, maliari kayung makiugne kekami kapamilatan ning donatewikimedia.org.

Magbalik king babo – Magkalub na ka

Nanu ya ing Omidyar Network?

Ing Omidyar Network metung yang aguman a mamuhunan a talasaup (philanthropic investment organization) a tetag nang Pierre Omidyar, ing talatátag ning eBay, ampo ing kayang asawa, i Pam Omidyar. Makayampang ya king kapagnasan a gamitan ing upaya da reng mercado o markets bang munie pamikatagun kareng tau ba rang samasan o isulung ing karelang bie.

Minie yang mayap a aluk ing Omidyar Network a panten no reng indibidual a pamagkalub king pilatan ning $100 ampong $9,999 keng pamangalap nang pondu ning Wikimedia Foundation para king 2009-10. Ing sangkan na niting ampang a pamagpante (matching grant) ya pin ing agiagan la reng taung munie mas maragul a pamagkalub kesa king gawan da nung aliwa ing kabilian. Mamasa ya ing Wikimedia Foundation kareng dalan-dalan a libung pamagkalub da reng indibidual a tau balang banua ba yang manatiling mikagiu ing kayang pisalapian, ampong dagul at mika mayap ampong maragul a bunga king sociedad o ketawan kapamilatan ning Wikipedia ampo reng aliwang proyectu ning Wikimedia.

Kayabe la king metung a ampang a miras aduang miliung dollar deng pondung pamante ibat king Omidyar Network para king Wikimedia Foundation a paniuporta kareng kayang manimunang kapakayan.

Magbalik king babo – Magkalub na ka

Makananu karakal ing cualtang balak yung akua?

Keng banuang pang-pisalapian (fiscal year) manibat keng July 1, 2009 at mayari keng Junio 30, 2010, migsadia kaming para king budget a $9.4 miliun king gastus, ampong banuahan a reserba king pamipalacad (annual operating reserve) a $1.2 miliun. Kapagnasan ming manikuang $10.6 miliun king mabilug a banuang pang-pisalapian, ampong e mas ditak king $7.5 miliun king mabiug ming campania.

Balak ming akua la retang aliwa pang panakitan ibat kareng aliwang actividad para king pamangalap pondu king mabilug a banuang pang-pisalapian (kayabe la reng mangaragul a ampang or regalu ampong suportang pangkatatagan o foundation support) ampong kareng actividad para king panalkus ning negociung makasaup king kekatamung damla (mission-friendly business development activities), antimo ing pamag-licensia king lagiu ampo ning logo ning Wikipedia para kareng gamit a pang-negociu.

Ating karagdagang detalle king kekatamung pisalapian kareng financial reports. Oini ing 2009-10 Plan (PDF), at oini ing bulung da reng Kutang Ampong Pakibat a kaugne na.

Magbalik king babo – Magkalub na ka

Ninu pang susuporta kekayu king kapakayan a iti?

Ibat kareng indibidual ing keraklan kareng kekaming pondu -- deng taung kalupa mu. Makatanggap kami mu namang ampang o grant fibat kareng katatagan a pangpamalenan o privado (community and private foundations), ampo kareng ambag a e cualta (in-kind) ibat kareng cumpania. Mayayakit la reti king kekatamung bulung a Benefactors.

Magbalik king babo – Magkalub na ka

Nukarin ku manikuang karagdagang informacion kareng bayu yung gagawan?

Para king banuang pang-pisalapian a 2007-08 (‘’fiscal year’’ 2007-08), pakilawe ye ing kekatamung Annual Report.

Magbalik king babo – Magkalub na ka

Nukarin ku maliaring magkalub?

Bang magkalub, pakipuntalan ya ing kekatamung bulung ning pamangalap pondu. Maliari kang magkalub a gagamit kareng manimuang cumpaniang credit card (kayabe ya ing VISA, Mastercard, Discover or American Express), PayPal, Moneybookers, bank transfer, o kapamilatan ning pamagparlang chequi king Foundation. Maliari la kareng keraklan (dapot e eganaganang) uri ning cualta deng kekatamung paralan ning pamagkalub.

Magbalik king babo – Magkalub na kayu

Nukarin ku magparalang chequi?

Maliari lang parala deng chequi king:

Wikimedia Foundation, Inc.
P.O. Box 98204
Washington, DC 20090-8204
USA

Note: donations by check are processed directly at our centralized lockbox location which is in Washington, DC.

Nung ikami ing kutnan, mas buri mi sang kareng U.S. dollar la reng chequi, kareng cuenta o bank account king America. Deng chequi kareng cualta bukud kareng U.S. dollar, o ibat kareng bank account king kilual ning America, mal lang iprocesu para kekami, ania mabawas ing alaga ning kekayung pigkalub. Nung ala kayung U.S. bank account, maliari yung siguraduan ing mas matas a alaga ning kekayung pigkalub kapamilatan ning pamamie kapamilatan ning Paypal o wire transfer.

Magbalik king babo – Magkalub na ka

Nukarin ku maliaring magparalang form, sulat o aliwa pang bage king Wikimedia Foundation?

Pakiparala la reng eganaganang sulat, kayabe no reng Payroll Deduction application ampong Matching Gifts form, king kekaming secure lockbox address:

Wikimedia Foundation, Inc.
P.O. Box 98204
Washington, DC 20090-8204
USA

Note: donations by check are processed directly at our centralized lockbox location which is in Washington, DC.

Magbalik king babo – Magkalub na ka

Maliari kung magkalub stock king Wikimedia Foundation?

Tatanggap yang pamagkalub a stock ing Wikimedia Foundation. Maliari kang magkalub kapamilatan ning pamanalis stock manibat king kekang brokerage papunta king kekami kapamilatan ning pamamie king kekang broker keng kekaming lagiu, investment account number ampong DTCC clearing number.

Wikimedia Foundation, Inc.

Smith Barney

Investment a/c number 546-0356C-14-782

DTCC Clearing a/c number #0418

Magbalik king babo – Magkalub na ka

Maliari lang ibawas king buis (tax-deductible) deng kakung donacion?

Pakilawe ya ing listaan da reng bangsa para kareng detalle tungkul kaniti.

Magbalik king babo – Magkalub na ka

Nung magkalub ku, makananu keng akua ing kakung (tax receipt)?

Nung magkalub ka kapamilatan ning PayPal o credit card, tanggapan me ing tax receipt king e-mail, basta atiu ing kekang e-mail address ketang kekang donacion. Deng donacion a miparala kapamilatan ning chequi a maigit king $50 makatanggap lang tax receipt king correo, nung binie me kekami ing kekang return address. Maliari ka muring maniad tax receipt nung sulatan mu kami kami king givingwikimedia.org (pakibie me ing kekang contact information, ing paralan a ginamit mu king pamagkalub, ampo ing alaga ning kekang donacion).

Magbalik king babo – Magkalub na ka

Maliari ra kayung pagkalubanan targeted o restricted donation a gamitan king metung a bageng particular?

Deng aguman a paniaup o charities a makabasi king America, kayabe ne ing Wikimedia Foundation, kailangan da lang galangan deng angganan o pamagbawal (restrictions) a pakisabi da reng magkalub. Ing buri nang sabian niti, nung sabian mung gamitan ya king particular o makasambitlang bage ing kekang donacion, tukian mi ya ing kekang pakisabi, o isubli mi ya ing kekang pigkalub. Pera bayu mu gawan ita, sana pakiisipan mung misna lang mas magamitan kekami deng pamagkalub a alang anganan o unrestricted donations. Ing balang angganan o pamagbawal (restriction) babie yang gastus king pamanibala ampong pamagplanu (administrative overhead and planning costs), at gagawan nang complicadu ing obra mi.

Magbalik king babo – Magkalub na ka

Obat ating pekamalating pamagkalub (minimum donation)?

Maki alagang $1ing pekamalating pamagkalub o minimum donation. Tatanggap kaming donacion kareng taung ditak mu pera, at taganang magpasalamat kami kareng taung magkalub a reti. Tutu pin a nung makabaldugan ya keka ing regalu, makabaldugan ya naman kekami. Oneng, maralas, ating taung gagamit kareng paralan ning pamamie donacion, anti ing kekami, ba lang subukan deng credit card a penako ba rong lon nung maliari la reti. Keraklan, gagamit lang malating alaga deng taung deti para king karelang pamaniubuk: abalu ming mumurung la king $1 minimum donation.

Magbalik king babo – Magkalub na ka

Nukarin ku maliaring pamalita iti?

Pangalat mu ing balita king sanu mang paralan a balu mu! Sabian mu kareng kaluguran ampong pamilia. Sabian mu ing ulaga na keka ning Wikipedia. Kutang mu nung gagamitan de, at nung makanian, nung nanung kabaldugan na karela. Mangibili kang button ampong banner king kekang blog. Gamitan me ining makasulat king lalam antimong signature file king lalam da reng kekang e-mail:

Lelangan ta ya ing pekamaragul a coleccion ning pirakeng beluan king kasalesayan. Sumaup kang protectan ya ing Wikipedia. Magkalub na ka: http://wikimediafoundation.org/wiki/Support_Wikipedia/pam

Magbalik king babo – Magkalub na ka

Nanu ing kekayung patakaran king katuliran dang e pakilala deng migkalub (donor privacy policy)?

Laus/seriosu kami king pamag-protecta king katuliran dang e pakilala (privacy rights) deng magkalub kekami. Pakilawe yang ing kekaming Patakaran king Panga-pribadu da reng Migkalub para kareng cumpletung detalle. King makuyad a salita, e mi ya pamie, pisali o paglibe kenu man ing kekang e-mail address

Magbalik king babo – Magkalub na ka

Makananu kung maliaring makiugnayan king Foundation?

Pakilawe ya ing bulung a Contacan yu kami para kareng detalle.

Magbalik king babo – Magkalub na ka