Iberocoop:Alcuentru Iberoamericanu de Wikimedia 2013
El Tercer Alcuentru Iberoamericanu de Wikimedia foi una iniciativa d'Iberocoop qu'aconceyó delegaciones representantes de los capítulos de Wikimedia y de los grupos de trabayu esistentes en países d'Iberoamérica. La primer edición del Alcuentru tuvo llugar en 2011 en Buenos Aires y la segunda en Santiago de Chile en 2012.
Antecedentes
Dende la so creación en 2010, la Iniciativa de Cooperación Rexonal pa Iberoamérica (Iberocoop) tien proporcionao a los capítulos llatinoamericanos y dalgunos capítulos d'Europa un campu fértil pal intercambéu d'esperiencies, idees y l'aida mutua de los demás, conviertiéndose nun modelu orixinal de la cooperación non burocrática ente capítulos de Wikimedia y grupos de trabayu. Dientro d'esti sen, la conferencia añal de los capítulos d'Iberoamérica, Iberoconf, ye un catalizador pa les decisiones y alcuerdos ente capítulos constituyíos, asina como una ocasión estraordinaria p'aidar y compartir esperiencies con pre-capítulos o grupos d'usuarios na organización. Dende la primer Iberoconf, trés nuevos capítulos d'Iberoamérica nacieron gracies a l'asistencia y la cooperación dada por Iberocoop.
Na postrera Iberoconf en Santiago 2012, los capítulos qu'asisten ficieron alcuerdos pertinentes qu'influyeron y provocaron gran parte del trabayu desendolcáu l'añu pasáu. Como exemplu d'esto:
- Participación al empar, cooperación ya intercambiu de ferramientes téuniques ente los capítulos y los candidatos a capítulos pa un desendolcu más fácil de Wiki Loves Monuments 2012. Nesti concursu internacional participaron Arxentina, Chile, Colombia, Méxicu, Panamá y España.
- Alcuerdos y posiciones comunes enantes de WCA Constitución y les dificultaes, qu'espresáronse dempués nel Manifiestu de Washington.
- Decisiones sobro la comunicación interna y la tresparencia n'Iberocoop.
- Asistencia de representantes de la Fundación Wikimedia, lo que fai posible una meyor integración de los capítulo d'Iberoamérica a la comunidá internacional Wikimedia.
Tol progresu de les metes, oxetivos ente 2012 y 2013 y los conceyos puen alcontráse equí (n'inglés y castellán).
L'alcuentru
Iberoconf 2012 tendrá delegaos d'Arxentina, Bolivia, Brasil Colombia, Chile, Italia, Méxicu, Portugal, España, Uruguái y Venezuela. La cumbre incluirá non sólo los representantes de los capítulos de Wikimedia activos na rexón, sinón tamién los cuatro capítulos qu'interesaos na realización d'actividaes de wikimedia rellacionaes nos sos países. Los miembros de la Xunta Direutiva de la Fundación Wikimedia, y el staff de la mesma podrán participar n'actividá.
Partiendo de los resultaos que tuvimos nes dos cumbres postreres, creemos que podemos aumentar les nueses metes y faeles midibles. La organización del movimientu Wikimedia na rexón ameyoró de mou significativu nel tiempu dempués de la postrera cumbre, porque aidó a ameyorar la comunicación ente los miembros, a definir meyores formes de collaboración ente les entidaes esistentes y siguir col desarrollu llocal de los distintos grupos.
Unu de los oxetivos prioritarios na cumbre sedrá'l falar sobro'l futuru d'Iberocoop y les idees que'l nueso modelu de cooperación encarna, p'asegurar la so continuidá ya utilidá dientro del movimientu Wikimedia, como entidá que reconocía na comunidá pola so cohesión, flexibilidá y orixinalidá p'algamar los oxetivos comúnes. Dende la reunión en Santiago, dalgunos miembros d'Iberocoop falaron sobro'l futuru como una organización que pue proporcionar más oportunidaes y meyores práctiques pa los sos miembros.
Otru oxetivu ye revisar en xunto los nuevos modelos de xestión al traviés de los capítulos reconocíos como veteranos, talos como Wikimedia Arxentina.
Sede
Participantes
- Ver llista de Participantes.
Tiempu