Meta:Á̱nietjangkiki

A̱wat jangkiki ka ni̱ cak a̱mgba̱m njhyuk nang á̱nietnjhyuk ba̱ byia̱ nka a̱ni ni̱ nyia̱ nang á̱si̱ á̱na nang á̱ wa ka̱n jang a̱ni, mat a̱nia á̱nietjang ba na byia̱ jen ba̱ nyia̱ nkyang jhyang. Á̱nietnjhyuk ba̱ ku kwop a̱ni ba̱ si̱ tyai nyia̱ ba̱ nkai nka̱nda̱n ma̱ng ncamvak Meta bya á̱ ni̱ nnwuak a̱wat ka.

A̱wat a̱tyunta̱m jangkiki ka fa ghyuai ta̱m á̱nietjang hu hwa a̱wot ka̱ cak njhyuk nang á̱nietjangkiki ba nyia̱ a̱ni na̱ yet nang á̱si̱ á̱na nang á̱ ku jang a̱ni kiki. Si̱ a̱hwa fa nyia̱ á̱ maai fa̱k da̱ a̱tyunta̱m a̱wa da̱ á̱ si̱ mi̱n neap kyang ku myim a̱ni bah, ku ma̱kpaat ku mat kyang ghyang, ma nyia̱ a̱tyunta̱m ni̱ neap nkyang nci̱ri̱ng a̱wot si̱ a̱hwa si̱ maai tyia̱ á̱ nsaai nyia̱ a̱mgba̱m nta̱m nggu na tyia̱ ma̱ ca̱caat.

Kuzang a̱kwak a̱son maai nwuak a̱wat kani ka̱nang gu li nyia̱ ku na tyia̱ á̱nietnta̱m á̱ghyang nang ba̱ fwuong da̱ a̱mba a̱ni myim ba̱ shyia̱ nka mat si̱sak nang ba̱ ku tyai nkai nka̱nda̱n ma̱ng ncamvak Meta na a̱ni.

Bi̱ri̱ng ma̱ng kyang hu nang á̱nietnjhyuk ba̱ ku ri̱jita ba maai nyia̱ a̱ni, á̱nietjangkiki ba mun maai:

• Have one's own edits automatically marked as patrolled (autopatrol)