Pilipinas Panorama na Komunidad
.jpg)
| Main page | Membership | Freedom of Panorama | Cultural Heritage | GLAM-Wiki | Movement Charter | Meetups |
| Pilipinas Panorama Pilipinas Panorama Community | |
|---|---|
 | |
 Metro Manila an kapitolyong rehiyon asin an pinakadakulang metropolitanong lugar sa Pilipinas. | |
| Location |  Pilipinas |
| Legal status | Tematikong organisasyon |
| Founding date | 02 December 2022 |
| Main office | Greater Manila |
| Membership | 20 |
| Volunteers | 20 |
| Official language(s) | Tataramong Pilipino |
| Other language(s) | Filipino, Tagalog, Bikol Sentral |
| Kagmoknang Tagapamayo | Buszmail |
| Key people | |
| Affiliations | ESEAP |
| Former name | PH-WC Manila, Manila Community |
| E-mail address | Pilipinas.Panorama.Community gmail com |
Pambungad
An Pilipinas Panorama Community (PPC) sarong tematikong Wikimedya na organisayon na nakabase sa Pambanwang Kapitolyo na Rehiyon kan Pilipinas.
An komunidad naitogdas kan mga Pilipinong Wikimedista na may adbokasiya nin pagkakaparehas, kultural na pamana, historya, tataramon & etnisidad, arte, katalingkasan nin panorama, asin Kahiroang Stratehiya kan Wikimedia, na nag-aambag sa pagpapahiwas nin pankinaban na laog nin libreng kaaraman.
Agi-agi
An Katalingkasan nin Panorama o Freedom of Panorama (FoP) sarong panginot na tuyo na nagmokna nin kadakol na urulay sa laog nin Philippine Wikimedia Kapihan Network, huli panginot sa kawaran nin kalinawan kaini sa intellectual property laws kan Pilipinas. Kaidtong Pebrero 2021, an Bureau of Copyright and Related Rights kan Intellectual Property Office of the Philippines (IPOPHL) nagkondusir nin sarong diyalogo sa mga Pilipinong Wikimedista para maadalan an Freedom of Panorama asin an Copyright law. Poon kaidto, sarong aktibong grupo para sa FoP sa Pilipinas an nilalaoman mahimo sa laog nin kahiroan.
Sa kasabay na pagtalubo, sarong proposal an pigbisita liwat kan mga kaapil nin PhilWiki Community (PH-WC), na iyo sarong Wikimedia affiliate na nakabase sa Syudad nin Naga, para an mga sanga kaini maitogdas sa iba pang mga rehiyon kan Pilipinas. An masunod na pupuwedeng magin bagong grupo iyo an "Manila Branch". Huli kaini, namokna an Manila Community sa paagi kan mga Wikimedista na nakabase sa Manila.
Kaidtong Desyembre 02, 2022, duwang nagligad na presidente kan PH-WC, sinda Juan Bautista H. Alegre asin Ralff Nestor S. Nacor an nagtogdas kan PhilWiki Community - Manila; mantang kan Desyembre 14, 2022, an seminal na komunidad naghimo nin sadiri kaining tematikong katuyohan, sagkod pormal na nagin an independenteng Pilipinas Panorama Community (PPC) bilang sarong tematikong Wikimedya na organisasyon.
Sa pag-agi kan Enero 29, 2023, an nagligad na Chairman kan Wikimedia Philippines (WMPH) na si John Paul Antes nagbali naman sa tematikong komunidad. Kaya an PPC nagin komposisyon nin mga kaapil gikan sa nagligad na WMPH (ngunyan an Wiki Society of the Philippines) asin an nasambit na PH-WC. An Pilipinas Panorama Community (PPC) aktibo sa mga adbokasiya kaini na preserbasyon nin kultural na pamana sa Pilipinas, an pagpasar sa Freedom of Panorama (FoP) sa Pilipinas, asin an nagdadalagan na Kahiroan na Istratehiya pasiring 2030.
.jpg)
Gikan sa pagkakatogdas kan 2022, an organisasyon aktibong nag-oorganisar nin mga hirilingan kan mga Wikimedista sa Panbanwang Kapitolyo na Rehiyon kan Pilipinas.
Katuyohan
"Isipa tabi an sarong kalibotan na an lambang tawo sa kinaban igwang libreng akses sa kagabsan nin kaaraman kan katawohan. Iyan tabi an samuyang piggigibo."
- Katalingkasan nin Panorama
- Magin an panginot na ginikanan para sa pagpasa nin Katalingkasan nin Panorama (FoP) sa Pilipinas.
- Kahiroan na Istratehiya
- Magin sarong aktibong suporta para sa Kahiroang Istratehiya kan Wikimedya.
- Kultural na Pamana kan Pilipinas
- Adbokasiya sa pagbisto asin pagpreserba nin kultural na pamana sa Pilipinas sa gabos na paagi.
Impormasyon sa pag-kontak
Kontakon tabi kami gamit an mga masunod na email address:
- Juan Bautista H. Alegre, ja.workplace
gmail
com - Ralff Nestor S. Nacor, rojo_nacoryahoocom