Rapresentantes de sos progetos wiki

Ammenta·ti chi custa pàgina no est una pàgina de polìticas o consultas ufitziale. Custa est un'initziativa privada, e sa pàgina diat pòdere fàghere assertziones chi diant pòdere pàrrere non basadas in subra de fatos reales. Faghe riferimentu a sa pàgina de sas cuntierras pro preguntas o acrarimentos in subra de su cuntestu.

Collida de rapresentantes de sos progetos wiki

Borta custa pàgina e faghe incumintzare un'arresonu in su progetu wiki tuo pro ischertare unu rapresentante pro cussu progetu wiki.

Sa boghe tua est netzessària

Ses unu cuntribuidore a unu de sos progetos istrangiados dae sa Fundatzione Wikimedia (WMF). Sa Fundatzione Wikimedia istràngiat prus de 900 wikis. Su Movimentu Wikipedia est formadu dae sa WMF, dae sas comunidades de sas 900 wiki de sos progetos, e dae prus de 140 organizatziones ligadas (capìtulos, organizatziones temàticas e grupos de impitadores).

In su tempus benidore b'at a èssere unu Cuntzìliu Globale chi at a rapresentare sas comunidades. Su Cuntzìliu Globale at a negotziare unu cuntratu de livellu de servìtziu pro istrangiare sas wiki cun unu frunidore de servìtzios.

Sos ruolos e sas responsabilidades de su Cuntzìliu Globale ant a dèpere èssere iscritos in una Costitutzione pro su Movimentu Wikimedia, connota fintzas comente Carta de su Movimentu. A unu Cuntzìliu Globale a interim at a èssere dadu su còmpitu (intre sas àteras cosas) de abbotzare cussa Carta.

Su Movimentu bisòngiat de sa boghe de sa wiki tua in su Cuntzìliu Globale. Bisongiamus de unu rapresentante de sa wiki tua pro investire tempus e energias pro collaborare cun sos rapresentantes de totu sas àteras wiki. Pro ischertare unu rapresentante podides sighire sas règulas e protzeduras locales pro s'issèberu de sos ruolos de servìtziu e/o sa definitzione de istrategias detzisionales.

Preguntas pro s'arresonu in sos progetos locales e in intro a sos afiliados

Su progetu wiki tuo o sa comunidade afiliada tua suportat sa creatzione de unu Cuntzìliu Globale, e s'istèrrida de una costitutzione pro su movimentu? Chi at a èssere su rapresentante de su progetu wiki tuo o de s'organizatzione afiliada tua chi at a tènnere gana de collaborare cun sos rapresentantes de sos progetos wiki e de sos afiliados pro traballare in subra de custos temas?

Comente podes agiudare

Podes batire a in antis custu protzessu in custas maneras:

• Bortende custa pàgina in meta
• Impostende una pàgina de progetu in sa wiki locale tua
• Ischertende unu rapresentante pro sa wiki tua
• Compilende sa tabella inoghe in suta cun:
  • Pro sa rapresentàntzia de su progetu locale tuo
    • Su còdighe de su progetu locale tuo
    • Ligàmene a sa pàgina de su progetu locale pro cando custu protzessu at a èssere impostadu
    • Su nùmene (impitadore) de su rapresentante cando at a èssere istadu isseberadu
  • Pro sa rapresentàntzia de s'organizatzione afiliada tua
    • Su còdighe de s'afiliadu tuo
    • Ligàmene a sa pàgina de su situ web de s'organizatzione afiliada tua pro cando custu protzessu at a èssere impostadu
    • Su nùmene (impitadore) de su rapresentante cando at a èssere istadu isseberadu

Tabella de sos rapresentantes de sos progetos wiki

Rapresentantes de sos progetos wiki

Còdighe de su progetu wiki	Ligàmene a sa pàgina de sas cuntierras	Nùmene (impitadore) de su rapresentante
nl.wp	Wikipedia:Afgevaardigde Nederlandstalige Wikipedia
nl.wikiquote	Wikiquote:Afgevaardigde van Nederlandstalige Wikiquote
nl.wikisource	Wikisource:Afgevaardigde Nederlandstalige Wikisource
còdighe de su progetu wiki	ligàmene a sa pàgina de sas cuntierras	nùmene (impitadore) de su rapresentante

Rapresentantes de sos afiliados

Còdighe de s'organizatzione afiliada	Ligàmene a sa pàgina de sas cuntierras	Nùmene (impitadore) de su rapresentante
còdighe de s'organizatzione afiliada	ligàmene a sa pàgina de sas cuntierras	nùmene (impitadore) de su rapresentante

Àteras informatziones

Custa pàgina s'est isseberadu de la lassare curtza pro nde fatzilitare sa bortadura pro totu sas 300 limbas, e permìtere sa partetzipatzione de totu sos 900 progetos wiki. Pro praghere iscrie sas preguntas chi podes tènnere in sa pàgina de sas cuntierras.