Redirection molle
Iste articulo ha essite adaptate de Wikipedia:Soft redirect e Help:Redirect sur le Wikipedia in anglese. Le paginas in anglese ha essite traducite in altere linguas. Quando tu modifica o traduce iste pagina, considera referer los a, o synchronisar los con, le versiones actualmente listate sur Wikidata: Wikipedia:Soft redirect e Help:Redirect.
Un redirection molle o redirection interwiki reimplacia le redirectiones normal o “dur” que generalmente se usa quando le destination ligate es un altere sito web, incluse altere projectos Wikimedia. Le redirectiones molle differe del redirectiones ordinari in que illos conduce a un pagina special de redirection, obligante le usator a cliccar de novo sur le ligamine redirigite in loco de portar le ibi automaticamente.
A differentia de redirectiones normal, un redirection molle non es un function del software wiki. Illo es simplemente un pagina con un notification pro usatores que illes essera portate a un altere sito web quando illes clicca sur le ligamine offerite.
Iste technica es usate con particular frequentia pro rediriger usatores inter diverse projectos Wikimedia. Un redirection normal esserea indesirabile in tal circumstantias, e le redirectiones dur interwiki es disactivate. (Motivos: illos non poteva esser modificate facilemente sin assemblar le adresse URL correcte per mano; un clic sur un ligamine al pagina de redirection menava directemente al destination e il non habeva alcun message “Redirection ab…” a cliccar, de maniera que il esseva impossibile retornar al pagina de redirection mesme; il etiam habeva considerationes de securitate concernente le possibilitate de buclas infinite.)
Exemplo:
- “What links here” es un redirection dur verso “Help:What links here”. Isto es indicate per le aviso parve “(Redirigite ab What links here)” in le parte superior sinistre del pagina de destination.
- In ultra, le pagina de destination “Help:What links here” es illo mesme un redirection molle verso le destination “mw:Help:What links here” sur MediaWiki.org.
Le redirectiones molle inter linguas differente deberea esser evitate perque illos generalmente non es utile pro le lectores non familiar con le lingua de destination.
Le redirectiones molle es generalmente intendite pro punctar a sitos web externe, ubi le redirectiones dur non functiona. Pro uso interne in general, on debe preferer le redirectiones dur.
Un altere situation ubi on usa redirectiones molle es quando le destination intendite es un pagina special, e le systema automaticamente “mollifica” le tentativas de redirection dur a paginas special. Per exemplo, en:Wikipedia:List of tags redirige a en:Special:Tags.
Redirectiones molle a categorias
In alcun projectos, p.ex. Wikipedia in anglese, un notion similar al redirection molle interwiki original se applica a categorias, e istes etiam se appella “redirectiones molle”. Vide per exemplo w:en:Wikipedia:Categories_for_discussion#Redirecting_categories (in anglese).
Patronos
- Meta-Wiki: {{Interwiki redirect}}
- MediaWiki: {{Interwiki redirect}}
- Wikimedia Commons: {{Softredirect}}
- Wikidata: {{Softredirect}}
- Wikimedia Incubator: {{Soft redirect}}
- Wikipedia: {{Soft redirect}}
- Wiktionario: {{Softredirect}}
- Wikisource: {{Softredirect}}
- Wikibooks: {{Softredirect}}
- Wikiquote: {{Softredirect}}
- Wikinews: {{Softredirect}}
- Wikispecies: {{Softredirect}}
- Wikiversity: {{Softredirect}}
- Wikivoyage: {{Soft redirect}}