De wöschentlesche Täschnesche Rondschrihve hällefe, de neuste Äntweklonge vun de ẞoffwäer med_ze_krijje, woh ed johd müjjelesch es, dat di eine sällver beröhre wähde udder de Minsche, met dänne mer em Ömväld vum Wikkimehdija ze donn hät.
Abonnehre, Beijdrahre udder Röckmäldonge jävve.
| previous | 2015, week 50 (Monday 07 December 2015) | next |
Dat heh es et neuste täschnesche Rondschrihve uß de Täschnekerjropp vun de Wikkimehdija Schteftong. Sidd esu johd un dohd de anndere Metmaacher doh dröver ennfommehre un maht se op de Veränderonge opmärksahm. Künnt sinn, nit alles betreff jehder_eijn. Mer han och noch mih Översäzonge.
Neuste Änderonge
- Revision scoring hellev automattesch eruß ze fenge, of en Änderong jemaat wohd, öm Driß ze maache udder of se vun enem johde Welle zeusch. Et jeihd dröm, de Kappottmaacher leischter eruß hallde ze künne, un de Neulenge en johde Ömjävvong un e Wellkomme ze beede. Em Momang ongerschtöds_et et Dahtewikki un der Wikkipehdija en vehzehn Schprohche. [1]
Problehme
- Et Mettawikki hät läz Woch doch keine Zohjang op de Dahte em Dahtewikki krääje. Dat weed nohjehollt. [2]
Veränderonge diß Woch
- Mer kann bahl Lengks en et Wikki en de Överschreffte vun Tehme em Flow erenn donn. [3]
- Nahmelohse Metmacher krijje en Wärkzüschleß met Lenks op dänne ier Klaafsigg un Beijdrähsch. E paa Ußjahbe vun de Wikkipehdija hatte dat ald. [4]
- Mer kann de Ußdehnong vun ener Jraffigg em VisualEditor enschtälle. Doh jitt mer äntwehder de Jrühße en enem äxtra Finster en, udder mer trigg se sesch zerääsch bes dat se schtemmp. [5]
- Em VisualEditor weed ed eijfacher, Formelle un Mattematigg ennzjävve, och wam_mer keij LaTeX kann. Mer kann doh Knöpp för Sümbohle jebruche. [6]
- Mer kann sesch de Sünntax ußmohle lohße, wam_mer mattematesche Formelle met LaTeX em VisualEditor ennjitt. [7]
- Dat Projramm zom Hulahde süüt bahl jädd angersch uß. [8]
De neuje Väsjohn vum MehdijaWikki küdd op de Wikkis zom Ußprobehre un op MediaWiki.orgvum aachte Dezämber aan. Op alle Wikkis ußer de Wikkipehdija kütt se vum nüngte Dezämber aan. Op alle Wikkis vun de Wikkipehdija es se dann vum zehnte Dezämber aan. Mer kann och em Kaländer dernoh lohre.- Neuje Väsjohne vum MedijaWikki kumme vun dann aan mettwochs op de Wikkipehdija op Kattaluhnesch un op Hebrähjesch. De anndere Wikipehdijas krijje ier neue Väsjohne dunnersdaachs. [9]
Träffe
- Mer kann beim nähkßte Träffe vun de Ärbeidsjropp vum VisualEditor metmaache. Op däm Träffe kam_mer de Äntwekler verzälle, wat de weeschteschste Fähler ov Onvullkummeheite sin, di noch reparehrt wähde möße. Mer treff sesch aam aachte Dezämber em Johr 2015 öm sibbe Uhr ohvends (UTC). Mer beede och en Sigg, di säht, wi mer derbeikumme un metmaache kann.
Mer kann beim nähkßte Träffe vum Aschitäktuhr_Kummiteh metmaache. Tehme diß Woch sin „Graph/Graphoid/Kartographer – De Aschetäktuhr för de Dahte faßzehallde“ un „Paramehtresche
JSON Bouer“. Mer treff sesch aam nüngte Dezämber em Johr 2015 öm zehn Uhr ohvends (UTC). Mer han och en Sigg, di säht, wi mer derbeikumme un metmaache kann.
Ännderonge en der Zohkonnef
- En neuje Müjjeleschkeit zom Ußprobehre zeijsch dann de Metmaacher Lenks op verwande Sigge aam Ängk vun jehde Sigg. Dat weed schtandattmähßesch nit ennjeschalldt sin. [10]
De wöschentlesche Täschnesche Rondschrihve wähde zerrähsch jefröhnßeld vun de täschnesche Bottschaffter un verdeijld pä Bot • Beijdrahre • Övversäzze • Hölp holle • Rökmäldonge afjävve • Abbonnehre udder Afbeschtälle.