| 上個 | 2023年第06個禮拜（2023年2月6號禮拜一） | 下個 |
技術新聞：2023年第6週
就算啲改動唔影響你，都麻煩你將消息傳開去⸺維基媒體技術社羣帶畀你最新嘅技術新聞⸺唔想睇粵文？有得揀！
最近嘅事
- 用 Vector 2022 畫面外觀嘅用家，就算冇簽到，如果用咗控制全熒幕濶度嗰粒掣，就算撳咗重載（Refresh）掣或者去咗第二頁，都會記得你揀咗正常濶定全熒幕濶，不過爾個改動只係適用於 Vector 2022 係預設嘅維基。 [1]
本週嘅事
2月7號起， MediaWiki.org 同所有測試用嘅維基將會行新版嘅 MediaWiki，8號起部份維基百科同所有唔係維基百科嘅維基會行新版，9號起所有維基行新版（睇日曆）。- 先嗰排，當部分維基轉主數據庫，我哋會喺度通知會改唔到嘢幾分鐘。但係我哋發現改唔到嘢嘅時間根本短到微不足道，所以從今以後唔會再出通知，但係爾種轉主數據庫嘅定期維護會繼續喺世界協調時星期二同四嘅朝早7點進行。 [2]
- 喺 Vector 2022 畫面外觀，簽咗到嘅用家會見到例如 ｢有乜連過嚟｣ 之類同版面有關嘅連結搬咗去熒幕嘅另一便，之前淨係捷克文、英文同越南文維基都係咁嘅樣，而今所有維基都會統一咁做。 [3]
- 2023年度 ｢社羣願望清單｣ 意見調查嘅提案截止時間係世界協調時2023年2月6號（星期一）1800，逾期概不受理；如果你有提案，唔該一定要喺截止之前改好你份提案，等其他人有時間翻譯同審核。投票期會喺2月10號（星期五）開始。
將來嘅事
