技術新聞：2023年第14週

技術論壇

技術新聞

技術大使

維基媒體產品

MediaWiki

《技術新聞》係幫你睇實維基軟體嘅週刊，同你撮要滙報有乜最近改過嘅嘢最有可能會影響你或者其他維基友。你可以訂閲、幫手寫或者畀意見。

你可以翻譯呢版嘅常用系統訊息

上個

2023年第14個禮拜（2023年4月3號禮拜一）

下個

技術新聞：2023年第14週

就算啲改動唔影響你，都麻煩你將消息傳開去⸺維基媒體技術社羣帶畀你最新嘅技術新聞⸺唔想睇粵文？有得揀！

最近嘅事

• 自動幫用戶語言模（Babel）加分類嘅系統最近有幾個重大嘅改變同修正，其中包括可以自動分類嘅時候用模，等新分類頁喺自動分類嗰陣已經正確分類。 [1][2][3][4][5]

本週嘅事

• 4月4號起， MediaWiki.org 同所有測試用嘅維基將會行新版嘅 MediaWiki，5號起部份維基百科同所有唔係維基百科嘅維基會行新版，6號起所有維基行新版（睇日曆）。
• 由今個禮拜開始，有啲舊嘅瀏覽器將會開始喺維基媒體嘅維基唔用得 JavaScript，主要係影響 Internet Explorer 11。如果你部電腦用嘅係舊嘅瀏覽器，你可以試下升級。 [6]
• 之前已經唔鼓勵用嘅 ｢jquery.hoverIntent｣ 模組已經鏟咗，但係有啲用家自訂嘅架生仔或者手稿可能用咗個模組，用來夾硬整慢 JavaScript 喺 hover 事件嘅反應時間，受影響嘅架生仔同手稿唔該改用 jQuery 嘅 ｢hover()｣ 或者 ｢on()｣ 函數，唔明點做可以睇說明。 [7]
• 喺 ｢Special:SpecialPages｣ 入面嘅拎將回排過位，等適用於所有人嘅拎同你淨係適用於你自己戶口嘅拎容易分啲。 [8]
• 歸咗檔嘅討論頁入面，將會有新功能，等你將可以用 ｢__ARCHIVEDTALK__｣ 魔術字收埋啲回覆掣，你亦都可以用 ｢.mw-archivedtalk｣ 嘅 CSS class 選擇性咁收埋其中一啲討論嘅回覆掣。 [9][10][11]

將來嘅事

• 喺版面負責做資訊可視化（例如畫圖表）嘅 Vega 軟件將會升級至最新版本，仲用緊超舊嘅 1.5 版語法嘅圖表可能會唔再可以正常運作。大部分嘅使用案例已經搵到同修正咗，但係你可以幫手做測試同更新本地維基嘅說明，你可以睇下點搵受影響嘅圖同點做修正。

技術新聞　係由技術新聞編者寫稿・然後由機械人發送。 你可以　幫手寫・幫手譯・問問題・畀意見・訂閲/退訂。