Outdated translations are marked like this.
De Tech News weekly summaries dey help you make you monitor recent software changes lykly make e impact you den your fellow Wikimedians. Subscribe, contribute den give feedback.
| previous | 2024, week 30 (Monday 22 July 2024) | next |
Tech News: 2024-30
Latest tech news from de Wikimedia technical community. Please make you flow oda users about dese changes. No be all changes go affect you. Translations be available.
Feature News
- Stewards fi now globally block accounts. Before de change na IP addresses den IP ranges per wey dem fi block dem globally. Global account blocks be useful wen de user dem block for no be logged out. Global locks (similar tool wey dey log de user out of dema account) dem be unaffected by dis change. De fresh global account block feature dey relate to de Temporary Accounts project, wich be fresh type of user account wey dey replace IP addresses of unregistered editors wey dem no longer make am public.
- Later dis week, Wikimedia site users go notice say de Interface of FlaggedRevs (dem sanso know am as "Pending Changes") dem improve wey ebe consistent plus de rest of de MediaWiki interface den Wikimedia ein design system. De FlaggedRevs interface experience for mobile top den Minerva skin na ebe inconsistent before na dem fix den port am go Codex by de WMF Growth team den sam volunteers. [1]
- Wikimedia site users now fi submit account vanishing requests via GlobalVanishRequest. Dem dey use dis wen contributor dey wish make dem stop dey edit forever. E dey help you hide your past association den edit make e protect your privacy. Once dem process, dem go lock den rename de account. [2]
- You try say you dey monitor den address vandalism insyd Wikipedia dey use your phone? Diff blog post for Patrolling features top insyd de Mobile App dey highlight sam of de fresh capabilities of de feature, wey dey include swiping thru feed of recent changes den personal library of user talk messages for use wen you dey patrol from your phone.
- Wikimedia contributors den GLAM (galleries, libraries, archives, den museums) organisations now fi learn den measure de impact Wikimedia Commons dey have towards make dem dey create quality encyclopedic content dey use de Commons Impact Metrics analytics dashboard. De dashboard dey offer organizations analytics for things top like monthly edits insyd category, de most viewed files, den wich Wikimedia articles dey use Commons images. As result of dese fresh data dumps, GLAM organisation fi more reliably measure dema return for investment for programs top wey dey bring content into de digital Commons. [3]
Project Updates
- Cam make you share your ideas for improving de wikis for de newly Community Wishlist dem reopen. De Community Wishlist be Wikimedia ein forum for volunteers make dem share ideas (dem call am wishes) make e improve how de wikis dey work. De fresh version of de wishlist dey always gbele, dey work plus both wikitext den Visual Editor, wey dey allow wishes for any language insyd.
Learn more
- You ever wonder how Wikimedia software dey work across over 300 languages? Dis be 253 languages more dan de Google Chrome interface, wey e no be accident. De Language den Product Localization Team for de Wikimedia Foundation dey support your work by dem dey adapt all de tools den interfaces you dey use to your own den oda languages. Make you read more about de team den dema upcoming work for Diff top.
- How Wikimedia fi build innovative den experimental products while dem dey maintain such heavily used websites? Recent blog post by WMF staff Johan Jönsson dey highlight de work of de WMF Future Audience initiative, wer de goal no be make dem build polished products buh test out fresh ideas, such as ChatGPT plugin den Add Fact, make dem help take Wikimedia into de future.
Tech News writers prepare Tech news wey bot post am • Contribute • Translate • Get help • Give feedback • Subscribe anaa unsubscribe. You sanso fi get oda news from de Wikimedia Foundation Bulletin.