Translations:COVID-19/109/blk

ကိုဗစ်-၁၉ သေ့ꩻသား ဖေႏကရစွစ်ꩻလꩻမွုန်းတာႏ ထွာအီဒါႏအစွဲးကမ်း အရန်းဖုံႏ

ပအိုဝ်ႏဘာႏသာႏ

ရောႏဂါႏ စွစ်ꩻလီရေꩻ ကအွောန်ႏနယ်ဒါႏ ကာတွန်းGIFနဝ်ꩻ ထိန်ꩻရဲးကပ်ရောႏဂါႏတာႏ တပါတဝ်းသွူ။

တောမ်ႏထီကြောင်း၊ တောမ်ႏဆပ်ပျာႏတဲင် ဟွာႏကြောင်းသွော့စူ အဆေ့ꩻသွတ်ꩻ စက္ကန်း ၂၀၊ မွေးတဝ်းလဲ့ ထူႏသုင်ꩻသွူ ဒဝ်အယ်ကိုဟော ၈၀% ကပါဒါႏ တသီႏဟွာႏကြောင်းထီတဲင် ဟွာႏကြောင်းအီသွော့ နမ်းတောမ်ႏနမ်းဩ။
မိဉ်ႏတဟေထာꩻ၊ တဆျထာꩻ၊ တဟမ်ထာꩻကျာꩻနဝ်ꩻ ဒို့ꩻပေ့ꩻခါꩻသွော့ ဖြောင်းဩ။ သေ့ꩻသားနဝ်ꩻ အဝ်ႏထာꩻတဟေ/တဆျထာꩻကို အဖွန်ႏပေႏပေႏအနေႏ ထန်ႏစွစ်ꩻလီပါနွောင်ꩻဒါႏနဝ်ꩻသွူ။
ဖေႏကလိုမ်ႏဗိဉ်ႏသꩻဆွော့ꩻလꩻတာႏ တဖြာꩻတောမ်ႏတဖြာꩻ အဆေ့ꩻသွတ်ꩻ အုံခါႏသွော့ ၂ မီတာ (၆ ပေ)ရပ်တဲင် ထိန်ꩻသွော့ဝင်ꩻဩ။
နာꩻနမ်းတောမ်ႏ နာꩻမဲ့ငါယို ဖေႏကခွိုင်းလꩻမွုန်း နာꩻအသောင်ရင်ꩻကို ကအဝ်ႏဒါႏ ထာꩻရာꩻအလင်ဖိုင်ႏယို အတတ်နွိုင်ႏသွတ်ꩻ လဲ့သွော့ဝင်ꩻဩ။
လိုꩻတွိုင်ꩻ လွိုတဲင်အရေꩻတန်ကိစ္စနဝ်ꩻ အဝ်ႏလိုႏအုံစွူစွူဒျာႏ လမ်းကိုသွူ။ နာꩻမိဉ်ႏထွာ တဟွိုဗာႏ၊ တဟေထာꩻ၊ ကတူႏဆာ၊ ကထောင်ꩻဆာ၊ ဟို့ꩻထိုꩻ မွေးတဝ်းလဲ့ မိဉ်ႏထွာ ကိုဗစ်-၁၉ လက္ခဏာႏနဝ်ꩻ အဝ်ႏလိုႏလွေꩻထေ့ အွောန်ႏနယ်မွိုင်မွိုင် ဗော့ꩻရာꩻ တသီႏယုင်ႏတသီႏခန်ꩻထျꩻ တလဲင်ႏချင်ꩻသွူ။
မိဉ်ႏတော် အရေꩻတန် နာꩻအဝ်ႏလိုႏလွေꩻမာꩻမွေး ထာꩻမာꩻတစွိုးစွိုးအထန်ႏနဝ်ꩻ အဝ်ႏလမ်းမိဉ်ႏအီႏထန်ႏခိန်ႏ ဒပ်ꩻဒို့ꩻခါꩻသွော့ ဖြောင်းပတ်မတ်ဖုံႏ တစွိုးစွိုးထွူမꩻ ဟဝ်ထန်ႏလွေꩻသွူ။
မာꩻခွုမ်ဆိုးလေ့ကျင့်ယောက၊ အံႏဖေႏ ထာꩻရောင်ꩻထာꩻရာႏ၊ ဟန်ႏသဉ်ဟန်ႏလာဖုံႏတောမ်ႏ နုဲင်းဗီတာမဉ် C ကပါဒါႏ ကညီႏဒါႏတောမ်ႏခြွိုင်ႏသန်ꩻရေꩻ အအံႏအအွꩻဖုံႏလဲ့ အဝ်ႏလိုႏအံႏဖေႏသွူ။
ထူႏသုင်ꩻသွူ ကမာꩻသီခါꩻဒါႏသေ့ꩻသား ဖောက်ꩻဝါႏတစ်သျူးဖုံႏတဲင် ပုင်ႏမဲဉ်ႏ ဒွုတ်ꩻကြောင်းမာꩻစင်ဖေႏနွောင်ꩻဒျာႏ နာꩻလမ်းပါႏသွူ။