Wikimedia Foundation elections/Board elections/2005/yue
| 2005 委員會選舉 |
|---|
| 組織 |
你哋好：
2005 年 Wikimedia Foundation 信託人委員會選舉好快就會開始。呢個選舉係有包括你在內每一位 Wikimedians ，由嚟自全世界嘅會員之中投票選出兩位代表。信託人委員會嘅成員係負責 Wikimedia Foundation 嘅決策，並非管理網站。
我哋而家會選出兩個代表。佢哋嘅任期會係兩年，而佢地嘅職責同地位係均等嘅。要投票嘅話，你要喺 2005 年 5 月 30 號凌晨零時之前喺你投票嘅 Wikimedia 計劃之中做過至少 400 次嘅修改，而第一次嘅修改必需係喺投票之前 90 日或以上做嘅。同時請留意我地嘅選舉職員係有權取消被永久禁止做修改嘅會員，同埋多過一個戶口嘅會員投票。喺多過一個計劃投票亦都係禁止嘅。
呢次選舉係會使用認同投票（ Approval voting ）。每位選民可以最多投同候選人人數相同嘅票數。得票最高嘅兩位候選人會當選。如果兩位候選人得票相等，我地會宣布搞第二輪投票。
想參選嘅候選人可以喺 2005 年 6 月 7 號凌晨零時（ UTC ）起於候選人 2005 提交報名表格。之後，每位候選人係會有三個星期嘅時間去向其他會員介紹一下自己。負責翻譯協調嘅會員會盡量翻譯介紹成為每一種語言。然後，投票就會開始。
以下係今年選舉嘅時間表：
- 候選人介紹：
- 由 2005 年 6 月 7 號星期二 00:00 （ UTC ）
- 到到 2005 年 6 月 27 號星期一 24:00 （ UTC ）
- 投票：
- 由 2005 年 6 月 28 號星期二 00:00 （ UTC ）
- 到到 2005 年 7 月 11 號星期一 24:00 （ UTC ）
- 如果你識其他嘅語言，請翻譯呢篇告示，將貼到其他 Wikimedia 計劃嘅相應語言版本，同埋去選告通告翻譯 2005 通知我哋。
如果你有興趣負責翻譯將來嘅通告，請去選舉通告翻譯 2005#協調嗰度留名。
最後，我哋預祝各位候選人好運。
Wikimedia 選舉委員會選舉職員
大家好：
投票資格已經改左。本來係「 2005 年 5 月 30 號 00:00 前做過四百個修改」，而家改左做「 2005 年 5 月 30 號 00:00 （ UTC ） 前喺你投票嘅 Wikimedia 計劃做過至少 400 次嘅修改。」
呢個改動係由委員會提出（請參考 Wikimedia:會議/2005 年 6 月 7 號），以幫助我哋避免出錯同埋造票。不便之處，敬請原諒。
- 2005 年 6 月 15 號 09:57 （ UTC ）
- Wikimedia 選舉委員會選舉職員