Wikimedia Norge/Newsletter/2021-05/nn
Hei, her kjem siste nytt frå Wikimedia Noreg!
- Arctic Knot
- 24.–25. juni skjer det endeleg. Språkkonferansen Arctic Knot er i gang! Konferansen er digital, og vi vonar de synest programmet er interessant! Det blir spanande paneldiskusjonar, og høve til å bli kjend med prosjekt som Abstract Wikipedia og Wikikjelda.
- Heile programmet ligg no på Meta-sida̩ og du kan òg lese om konferansen på bloggen vår.
- Registreringa er open, og det er sjølvsagt gratis å melde seg på.
- Ein kan registrere seg heilt fram til konferansen startar, men viss du ynskjer å vere med på workshoppen som heiter Unlocking the potential of digital language archives er det viktig å registrere seg innan 20. juni for å få høve til å søke i arkivet Endangered Languages Archive (ELAR) undervegs.
- Elles er det eit variert og veldig spanande program, og vi trur alle vil finne noko interessant i dette programmet.
- Har du lyst til å bidra på Arctic Knot som frivillig? Vi sett stor pris på alt engasjement!
- Kanskje du kan tenke deg å vere med på å teste plattformen vi skal nytte i forkant? Eller har du spørsmål du ynskjer skal bli tatt opp i paneldebatten? Kanksje du vil bidra med underholding av noko slag? Ta kontakt på arcticknot@wikimedia.no!
- Månadens konkurranse på Wikipedia
- Temaet for månadens konkurranse i juni er kunstnarar. Endringar på artiklar om alle kunstnarar vil gje poeng i konkurransen, men vi vonar mange av dykk vil skrive om samiske kunstnarar og andre urfolkskunstnarar på Wikipedia.
- Wikimania
- I år er Wikimania digitalt, noko som gjer det mogleg for endå fleire å vere med. Temaet er 20 år med Wikipedia, og er difor ei tid for å feire kva Wikimedia-rørsla har oppnådd, og sjå tilbake på reisa hit. Det er no mogleg å sende inn bidrag. Har du ein idé til eit bidrag, men er ikkje sikker på vinkling så ta gjerne kontakt. Vi kan hjelpe med idémyldring og eventuelt andre praktiske saker!
- Wikitreff
- No er det ikkje lenge til ein kan organisere fysiske wikitreff igjen. Nokon er allereie i gang med planlegginga! Det er veldig fint om fleire får høve til å vere med på wikitreff. Wikimedia Noreg kan hjelpe til økonomisk om du ønsker å organisere eit der du bur!
- Vi kjem til å halde fram med å organisere wikitreff, ulike workshoppar og admintreff med (u)jamne mellomrom, både digitalt og fysisk. Viss du har temaforslag så kan du tipse Jon Harald (jhsoby@wikimedia.no)!
Har du allereie betalt medlemsavgifta for 2021? Viss ikkje kan du registrere deg som enno medlem på denne sida.
Dette nyhendebrevet blir posta av ein bot. Gje tilbakemelding • Abonner eller avslutt abonnement