Oʻzbek tilida soʻzlashuvchi vikimediachilar foydalanuvchi guruhi

Bosh sahifa

Aʼzolar

Loyihalar

Tadbirlar

Hisobotlar

Aloqa

Oʻzbek tilida soʻzlashuvchi vikimediachilar foydalanuvchi guruhi
Oʻzbekiston
Joylashuv	Oʻzbekiston
Mamlakat kodi	UZ
Tashkil etilgan sana	2020
Tasdiqlangan sana	4 dekabr 2020
Bosh ofisi	Toshkent
Aʼzolik	48
Rasmiy til(lar)	Oʻzbek tili
Asosiy shaxslar	Nataev Jamshid Nurkulov Artemev Nikolay
Byudjet	Grantlarga tayanadi
Vebsayt	uz.wikimedia.org
Telegram	@uzbekwikipedia & @uzwikichat
Twitter	@uzwiki
Facebook	@uzbekwikipedia
Youtube	@uzwiki

Oʻzbek tilida soʻzlashuvchi vikimediachilar foydalanuvchi guruhi (English: Wikimedians of the Uzbek Language User Group) mintaqaviy foydalanuvchi guruh boʻlib, oʻzbek tilida soʻzlashuvchi barcha vikimediachilar uchun ochiq. Turkiy tillardan biri sanalgan oʻzbek tilida asosan Oʻzbekistonda, shuningdek, boshqa Markaziy Osiyo mamlakatlarda soʻzlashiladi. Mintaqaviy foydalanuvchi guruh markaziy osiyolik va boshqa mahalliy vikimediachilarni bir-birlari bilan tanishib, mintaqada hamkorlikda tadbirlar uyushtirishlariga zamin yaratishni koʻzlaydi.

Maqsadi

• Guruh faoliyati bilan bogʻliq muhokamalar va marafonlar oʻtkazilishiga doir Vikimedia bilan bogʻliq tadbirlarni tashkil etish orqali oʻzbek tilida oʻtkaziladigan Vikimedia loyihalarini koʻpaytirish
• Marafonlar uyushtirish va oʻzbek tilidagi ommaviy axborot vositalarida maqolalar chop etish orqali oʻzbek tilidagi Vikimedia loyihalari haqida jamoatchilikka maʼlumot berish
• Markaziy Osiyo mintaqasidagi Vikimedia loyihalarini targʻib qilish maqsadida boshqa Vikimedia jamoalari, shuningdek, boshqa shaxslar va guruhlar bilan hamkorlikni yoʻlga qoʻyish

Faoliyati

Foydalanuvchilar guruhi aʼzolari quyidagi tadbirlarni amalga oshirishni oʻz oldilariga maqsad qilib qoʻyganlar:

• Muntazam uchrashuvlar (xususan, har oyning 17-da onlayn uchrashuvlar);
• Vorkshoplar;
• Tahrir marafonlari;
• Tanlovlar;
• Ijtimoiy tarmoqlarda muntazam postlar;

Tarixi

2018-yil Oʻzbekiston vikimediachilari hamjamiyati yopilganidan keyin, Nataev boshchiligidagi foydalanuvchilar oʻzbek tilida soʻzlashuvchi foydalanuvchilar guruhini tuzish masalasini muhokamadan oʻtkazdi. Eski guruh Oʻzbekistonda istiqomat qiluvchi vikimediachilarga qaratilganligi va qisqa umri mobaynida, umuman olganda, faol faoliyat olib borolmagan edi.

Yangi guruhning esa qamrovi ancha kengroq boʻlib, bir necha oʻn yillik tajribaga ega fidokor vikimediachilarni oʻzida jamlagan. Guruhning ilk uchrashuvi 2020-yilning 17-mayida Zoom orqali oʻtkazildi. 2020-yilning 17-sentyabrida yana bir yigʻin uyushtrildi. Oradan uch kun oʻtib, yaʼni 2020-yilning 20-sentyabrida Nataev guruh filial oʻlaroq tan olinishini soʻrab, aʼzolar nomidan Vikimedia jamgʻarmasining Affiliatsiyalar qoʻmitasiga murojaat qildi. Guruh 2020-yilning 4-dekabrida Affiliatsiyalar qoʻmitasi tomonidan rasman tan olindi.

Bugunga qadar guruh bir necha loyihani amalga oshirib kelyapti. Xususan, 2022-yildan buyon Oʻzbekiston Yoshlar ishlari agentligi bilan hamkorlikda WikiStipendiya marafoni oʻtkazilmoqda. Koʻp yillik tashabbus oʻzbekcha Vikipediyani tubdan oʻzgartirib, fidokor vikimediachilarning yangi avlodini kashf etilishiga yoʻl ochib berdi.

• 
  Members of the Uzbek Language User Group hold an e-meetup on September 17, 2020
• 
  User group logo in Uzbek created by Jamshid Nurkulov
• 
  Members of the user group meet in-person for the first time at a press conference in Tashkent announcing the WikiStipendiya edit-a-thon
• 
  Members of the user group and WikiStipendiya team members during a tour of Namangan in the second phase of the edit-a-thon
• 
  User group members during the Bukhara WikiTour organized as part of the WikiStipendiya edit-a-thon

Affiliatsiyalar qoʻmitasi qarorlari

• Affiliations Committee/Resolutions/Wikimedians of the Uzbek language User Group

Bizni kuzatib boring:

      Facebook      Telegram      Twitter      YouTube