Komperensya nin ESEAP 2018

This page is a translated version of the page ESEAP Conference 2018 and the translation is 70% complete.

Outdated translations are marked like this.

Home

FAQ

An Komperensya nin ESEAP 2018 sarong rehiyonal na komperensya kan mga komunidad nin Wikimedia sa bilog na mga rehiyon nin ESEAP. An ESEAP nangangahulogan na East (Subangan asin) and South East Asia (Sur-subangan na Asya), and the Pacific (asin an Pasipiko). Gigibohon ini sa Bali, Indonesya sa a-5 sagkod a-6 kan Mayo 2018, asin ini iyo an pinakainot na rehiyonal na komperensya para sa mga komunidad nin Wikimedia sa mga rehiyon na ini.

Kaaraman

An Subangan asin Sur-subangan na Asya, asin an Pasipiko iyo an nawawalat na mga rehiyon sa komunidad nin Wikimedia. Igwa nin dakulang bilang kan mga paraambag sa Wikimedia gikan sa satong rehiyon, alagad padagos kitang naglalapigot tanganing makahaman nin sarong komunidad na nagdadanay. Ining komperensya madara nin mga partisipante gikan sa manlainlain na mga komunidad nin ESEAP tanganing magkasararo asin magkaigwa nin hararom na pagkasabot kan mga ulayon asin tanganing makahanap nin mga kasimbagan. Siring man, katuyohan kaini na matipon an mga tawong kaayon sa paghirong ini kan Wikimedia sa laog kan mga rehiyon nin ESEAP, tanganing maghiras nin mga kaisipan asin magkaigwa nin pagtinarabangtabangan an rehiyonal na komunidad na imposibleng makamtan sa online na komunikasyon sana.

Mga detalye

Lugar: Bali, Indonesya
Petsa: a-5 sagkod 6 kan Mayo 2018
Hadoyan:

Biyanto Rebin (email)
Cahyo Ramadhani (email)
eseapwikimediaorid

Kagharong:

Objective

Learning how to build and manage local Wikimedia communities (capacity building)
Promoting regional Wikimedia collaboration in ESEAP region

Kasaysayan

An Komperensya nin ESEAP nahimo huli sa pirang taon na pagplano sagkod na ini mangyayari na sa Bali, Indonesya sa taon 2018. Kan WMCON 2015 sa Berlin, nagkaigwa nin urulay-ulay an mga paraambag sa Wikimedia gikan sa Wikimedia Hong Kong (WMHK), Wikimedia Indonesia (WMID), Wikimedia Philippines (WMPH), Wikimedia Taiwan (WMTW), asin an China User Group dapit sa pagkakaigwa nin sarong rehiyonal na hirilingan o meet-up.^[1] Iginilid muna na ideya huli sa kakulangan sa pag-urulay asin pagplano. Kan sumunod na taon sa WMCON 2016, nag-urulay an mga representante kan WMHK, WMTW, WMID, Wikimedia Thailand (WMTH), China User Group, Wikimedians in Korea, Wikimedia Australia (WMAU)dapit sa pagkaigwa nin rehiyonal na kolaborasyon sa mga aktibidad. An nagin resulta kaini iyo an ESEA Hub,^[2] sarong online platform page na igwa nin mga bareta asin report laman an mga aktibidad kan mga kabtang o chapter asin mga user group sa mga rehiyon nin ESEA (alagad makamundo na inuntokan na ini). Pinag-urulayan man an ideya nin pagkaigwa nin rehiyonal na hirilingan, alagad mayo nin maninigong rekurso tanganing mapangyari ini kaidto.

An pangangaipo para sa sarong rehiyonal na komperensya nagin pusog sa urulay sa WMCON 2017^[3] na pinag-atendiran kan mga paraambag sa Wikimedia gikan sa Tsina, Taiwan, Sur na Korea, Filipinas, Indonesya, Australya, Tailanda, asin Malasya. An mga nasyon na ini dai pa nin mga kolaborasyon o nin mga urulay sa lambang saro, huli sa kawaran nin sarong rehiyonal na komperensya sa rehiyon. Nagtutubod kami na an pagheras-herasan nin mga eksperyensya sa lambang saro makakapapusog sa mga komunidad asin mapasiring sa darakulang pagtitiranabangtabangan sa maabot na panahon. Alagad, pag-abot sa kapasipad siring sa mga boluntaryo asin rekursos, napagdesisyonan na an inot na komperensya magin sadit alagad makahulogan asin maninigo para mapag-urulayan kan mga partisipante an mahahalagang isyu.

Napagdesisyonan na gibohon an sarong rehiyonal na komperensya sa rehiyon kan Subangan asin Sur-subangan na Asya, asin an Pasipiko (ESEAP) huli sa (a) heograpikal na pagkakataraid kaini, (b) an pusog na pagtitinarabangtabangan kan mga paraambag sa Wikimedia gikan sa mayoriya kan mga nasyon kaining mga rehiyon sa nakaaging mga taon (online asin offline), asin (c) an pangangaipo na urog na mapapusog an komunidad huli sa igwa kita nin labi sa 2,000 mga tataramon sa mga rehiyon na ini, alagad mayo sa 1% kaini an igwa nin sadiring Wikipedia, Wiksyunaryo, o iba pang mga proyekto kan Wikimedia.

Mga partisipante

An mga Wikimedian sa Subangan asin Sur-subangan na Asya asin an Pasipiko na nakalista sa pahinang ini iyo an makakabali sa komperensya nangurog na idtong mahihigos o igwang dakulang naitatabang sa ikakatalubo kan lokal na komunidad.