|
Intercultur
1 de febreiro de 2019 - 28 de febreiro de 2019
|
|
Bienbenido(a)!
- L que ye esto?: L patrimonho cultural que la grande meiorie de las sociadades recibe de l passado strutura-se na sue lhéngua. Esta ye la percipal motibaçon pa l Intercultur, un cuncurso de criaçon de artigos çtinado a dar besiblidade a la hardança cultural, atrabeç de la bariadade lhenguística eijistente na Península Eibérica.
- L cuncurso cunsiste na traduçon de ls artigos que yá eijístan nua Biquipédia pa las lhénguas faladas na Península Eibérica, de modo que na fin todos ls artigos çponibles nua treminada lhéngua stéian traduzidos pa las outras dieç lhénguas. Ls artigos perpuostos son fornecidos de l mapa rializado pul Wikipedia Cultural Diversity Observatory, que studa la reportaige intercultural na Biquipédia i lhuita pa acabar cula zeigualdade de l coincimiento. An cada lhéngua, ls cinco artigos son: ua mulhier, un home, un sítio geolocalizado, un artigo antre ls mais bejitados, i un artigo cun palabras-chabe.
- Quando?: L cuncurso de eidiçon será rializado antre a las 00:01 (CET UTC+01:00) de 1 de febreiro de 2019, anté a las 23:59 (CET UTC+01:00) de 28 de febreiro de 2019. Solo l trabalho rializado antre estas datas será acrecentado ne l cuncurso.
- Cumo?: L cuncurso baseia-se nun sistema de cuntaige KISS: Solo teneran puntos las traduçones pa las lhénguas: aragonés, sturiano, basco, catalan, stremenho, galhego, mirandés, oucitano, pertués i spanhol. L oujetibo de cada persona que partecipa ye cunseguir tantos puntos quanto possible. Amportante! Las eidiçones macánicas cun porblemas ó erros de traduçon nó son bálidas. Las reglas de cuntaige son:
- +1 punto por cada +1,000 bytes de cuntenido acrecentado an qualquiera destas lhénguas.
- +3 puntos por cada nuoba traduçon dun artigo nua destas lhénguas.
- Quien?: Qualquiera persona puode partecipar na traduçon i eidiçon de ls artigos. Qualquiera pessona cun ua cuonta criada an qualquiera Biquipédia puode partecipar. Pa partecipar, faga l sou registro ne l cacho de partecipaçones.
- Causo seia un eiditor nuobo na Biquipédia, antes de más nada, seia bienbenido! Requemenda-se que cunsulte las páiginas: Biquipédia:Traduçon, Upa:Manual, Antroduçon (an anglés) i l Manual de Eidiçon (an pertués). Esto tornará más fácele l sou ampeço eiqui! Al ampeçar a eiditar, l Lhibro de stilo (an pertués) puode ser ua upa speciosa. Todas estas páiginas de ajuda stan çponibles an muitas lhénguas. Para alhá disso, l atual porcesso de eidiçon na Biquipédia stá muito facelitado, de modo que puode fazé-lo sien tener de daprender nanhun código! Puode outener más anformaçones subre este zambolbimiento an Biquipédia:Eiditor Bisual i Biquipédia:Eiditor Bisual/Manual de outelizador (an anglés).
|
|
|
