Kelab Wiki Kent/ESEAP Conference 2024

Ngaran Abaabayan

Kaampayatan Puru Kelab Wiki Kent Institut Pendidikan Guru Malaysia (IPGM) Kampus Kent id ESEAP Conference 2024.

Kopoilaan Program

Tadauwulan : 10 -12 Mikat 2024
Koiyonon : Le Meridien, Kota Kinabalu
Tadau : Kurudu' - Tiwang

Maampayat

Tudu

Mongilo lobi aralom kokomoi kabaalan di milo gunoon maamaso mongidit id platform Wiki.
Popointutun Boros Kadazandusun kumaa tulun ginumuan id taang global maya pambantaan.
Popokito koindalanan om koaktifan do Kelab Wiki Kent maya aktiviti di nowonsoi om tinunanud.
Popoingkawas kabaalan do mikolaborasi om mikomunikasi kumaa tulun ginumuan i mantad do mogisuai-suai pogun.

Aasil

Aasil di naanu mantad do kaampayatan do ESEAP Conference 2024 nopo diti nga nokodimpot do tudu' kaampayatan. Suai ko' ilo', ogumu nogi o koinganan suai i naanu miagal ko:

Nakaanu tambalut wagu mantad pogun suai
Popoingkawas kabaalan manarampas program
Nokoilo do raan-raan pongiditan id platform Wiki.
Nokopoingkawas koimotuan om kotumbayaan tinan soira koruba do tulun suai.
Nokopoingkawas do kabaalan mikomunikasi id mogisuai-suai boros.

Nawaawayaan

Poingkuro kou tinomounda montok kaampayatan diti?

Kopotoundaan pogulu di nowonsoi dahai nopo nga papaharo pitimbungakan miampai surupu id tinimungan dahai om nogi surupu mantad do Wikimedia Foundation. Ogumu o ahal di pinitimbungakan montok do koinsanai pitimbungakan miagal ko' kapanarampasan do kinoyonon di 16 tulun nakaampayat, kokomoi pangakanan, rasuk do gunoon om nogi kopodolinan boros tinaru suai kumaa boros Kadazandusun (nosili do interpreter).

Nunu ngaawi o kaantakan doid ababayan diti?

Ogumu kaantakan i notoguangan dahai ontok ababayan diti miagal ko' nokoruba om nokopogiboros-boros kumaa tulun di mantad ko' pogun do suai. Okon ko' ilo' no, haro nogi o aktiviti di popomositi do koinsanai puru di nokorikot nopo nga tumanud do aktiviti miampai tulun pogun suai.

Haro nangku kaantakan di kohiok (interesting) daasom ababayan diti?

Soira do momboros kokomoi do kaantakan di kohiok kopio do notoguangan id ESEAP Conference diti, au milo olimon do ogumu kopio. Okito ilo maya do aasil di nosuat id sawat. Sundung pia miagal dilo nga ahal di koihak kopio do ginawo nga ontok do tadau totuong Kukuak. Iri no tu haro o karaoke ontok diri om "Bonding Time" miampai tambalut pogun suai. Nokopokito nogi yahai do sayau koubasanan tulun Sabah om nogi sinding koubasanan pogun Sabah id boros do Kadazandusun.

Nokosimban nangku topurimanan dokoyu doid kouhupan id suang Wikimedia toi ko toilaan osinggawa alapas ababayan diti?

1. Nokosimban tu ogumu koilaan om nawawayaan di naanu dahai maya ababayan diti i kaanu manahak do tapanai, kagarasan om ponginsanangan soira momoruhang kawagu toilaan osinggawa doid Wikimedia.

2. Kopuriman yahai kapansalan do popodokumentasi diti boros om koubasanan mooi au atagak gama koundolihon timpu om koburuon teknologi. Osiliu nogi daa o asil mantad ababayan diti sabaagi susukuon tulun ginumuan.

Pinoilang nangku dokoyu o nawawayaan doid ababayan diti kumaa isai nopo?

Pinoilang dahai nawawayaan doid ababayan diti kumaa piipiro koombolutan id IPGM kaampai no poingkuro yahai minopoindalan ababayan pendigitalan, tantaman di notoguang dasom poindalanan ababayan dilo, kowowoyoon posorili. Okon ko ilo no', minogiuhup nogi yahai do popokito koindalanan program diti id aplikasi Instagram Kelab Wiki Kent om nogi WhatsApp kumaa tulun suai.

Gambal abaabayan

Kent Wiki Club miampai koumbolutan id ESEAP KK 2024

Kent wiki Club id Sunset Welcoming ESEAP 2024

Kapatahangan solinaid Program

Kagarasan :

Kopohompit do tulun mantad pogun suai.
Kinoyonon di olumis om otoronong.

Koluhoyon :

Koinsanai puru’ Kalab Wiki Kent amu nakaampayat tu syarat kopomilian do mampayat di pointatap (strict).
Amu osonong o kopomogunaan do camera tu misokot-sokot o kopomogunaan dau. (Nuru abaal do momoguno).

Pomolingkuman

Maya kaampayatan do puru Kelab Wiki Kent id ESEAP Conference diti, alansan daa do sunduan do popoingkawas kointutunan Boros Kadazandusun id taang global nopo nga kakal do malab-kalab om akawas. Okon ko' ilo no, alansan daa do koinsanai nopo ahal osonong om aradaat di notoguangan nga kaanu insanangan kawagu doid timpu dumontol. Pounsikou om kopiruba kawagu!