| 上個 | 2023年第03個禮拜（2023年1月16號禮拜一） | 下個 |
技術新聞：2023年第03週
就算啲改動唔影響你，都麻煩你將消息傳開去⸺維基媒體技術社羣帶畀你最新嘅技術新聞⸺唔想睇粵文？有得揀！
故障簡報
喺 ｢最近修改｣ 睇紀錄，｢prev｣ 嘅拎而今會寫 ｢diff=prev&oldid=[revision ID]｣，唔寫 ｢diff=[revision ID]&oldid=[revision ID]｣。咁改係因為用標籤篩選嘅時候，顯示有乜唔同嗰陣，舊碼會顯示錯誤；新碼修正咗錯誤顯示，但係自訂嘅 script 可能會因此出錯。 [1]
本週嘅事
1月17號起， MediaWiki.org 同所有測試用嘅維基將會行新版嘅 MediaWiki，18號起部份維基百科同所有唔係維基百科嘅維基會行新版，19號起所有維基行新版（睇日曆）。- 喺討論頁，一啲原本只係喺
Talk:同User talk:空間至有嘅外觀改動，將會擴展到其他種類嘅討論頁（例如Meta talk:），但係唔係討論頁嘅其他版面（例如Meta:嘅頁面，例如 ｢城市論壇｣）將會繼續唔改動。喜好可以自訂（可能涉及測試功能）。 [2] - 喺維基文庫，當一幅圖喺 ｢Page｣ 空間（版面空間）放大、縮細或者旭動過，點放大、縮細或者旭動將會記住，日後喺其他 ｢Page｣ 空間嘅版面，只要係連咗去同一個 ｢Index｣ 空間（版面一覽），都會一樣咁放大、縮細或者旭動。 [3]
- 喺英文維基，預設外觀畫面將會改用 Vector 2022，世界協調時1月18號1500生效，詳情睇爾度。
將來嘅事
- 對維基嘅技術有建議？想投票揀架生或者改善方案？2023年度嘅 ｢社羣願望清單｣ 意見調查 將會喺世界協調時2023年1月23號1800開始⸺冇錯，就係下個禮拜！如果你想提交建議書，而今就喺 ｢社羣願望清單｣ 沙盤 開始寫草稿啦！