Translation requests/WMF/Resolution:Biographies of living people/ia

Translations of wmf:BLP: ^±

ar/العربية (closed)
ca/català (published)
da/dansk (closed)
de/Deutsch (published)
el/Ελληνικά (published)
en/English (published)
es/español (published)
fi/suomi (published)
fr/français (published)
he/עברית (published)
ia/interlingua (published)
id/Bahasa Indonesia (published)
it/italiano (published)
ja/日本語 (published)
jv/Jawa (closed)
ko/한국어 (published)
ms/Bahasa Melayu (published)
nb/norsk bokmål (closed)
nl/Nederlands (published)
pl/polski (published)
pt/português (closed)
sv/svenska (published)
ru/русский (published)
uk/українська (closed)
vi/Tiếng Việt (published)
zh-hans/中文（简体） (published)
zh-hant/中文（繁體） (published)

Resolutiones

Biographias de personas vivente

Le sol version autoritative es le version original in anglese.
Iste resolution que declara le position del Fundation concernente Biographias de Personas Vivente ha essite adoptate in april 2009.

Le Fundation Wikimedia vole prender iste opportunitate de reiterar alcun principios fundamental concernente nostre vision, mission e valores commun. Un de iste valores commun a tote nostre projectos es un dedication a mantener un puncto de vista neutral.

In nostre effortios a offerer un fonte de cognoscentia que es preciose e utile a omnes, nos ha le responsabilitate de sustener iste valores per publicar information accurate. Le participantes in le projectos de Wikimedia ha create ressources de vaste dimension e varietate. Como nos ha sublineate durante plure annos, in addition al quantitate del cognoscentia disponibile, le question de su qualitate es equalmente essential. Le qualitate generalmente bon del information in le projectos de Wikimedia ha essite confirmate per un numero de studios, ma il es importante que nos aspira sempre a perfectionar lo. Como pro omne effortio a publicar materiales educative e informative, es necessari evitar errores, specialmente errores con le potential de causar injuria. Un del areas ubi isto es applicabile es le scriptura super personas vivente.

De plus in plus, le articulos de Wikimedia es inter le prime resultatos del motores de recerca del web pro quasi omne consulta. Isto vole dicer que, quando un emplator potential, collega, amico, vicino o cognoscito cerca information super un persona, ille pote trovar lo al sitos de Wikimedia. Quanto le popularitate del projectos de Wikimedia cresce, tanto cresce le responsabilitate commun del contributores de assecurar que omne articulos super personas vivente sia scribite in modo neutral, accurate e ben referentiate.

Con le augmento de nostre popularitate, plure questiones ha devenite plus importante:

Multe contributores crea articulos excessivemente promotional in tono: super illes mesme, super personas que illes admira, o super qui les paga pro esser representate. Istes non es neutral e non es acceptabile in nostre projectos. In general, le communitate de Wikimedia protege le projectos ben contra iste problema commun per deler o meliorar le hagiographias.
On a vices vandalisa le articulos super personas vivente. Le communitate de Wikimedia ha disveloppate instrumentos e technicas pro neutralisar le vandalismo: in general, istes sembla functionar rationabilemente.
Alcun articulos super personas vivente contine micre errores o es mal scribite o mal referentiate. Le articulos super personas non multo cognoscite suffre frequentemente de negligentia, e tende a esser perfectionate multo plus lentemente o non del toto.
On a vices face modificationes con le intention de diffamar un persona. Isto es difficile a identificar e combatter, particularmente si le contributor malitiose es persistente.

Le Consilio de Administration del Fundation Wikimedia exhorta tote le communitate global de Wikimedia de mantener e fortificar nostre dedication al accuratessa e excellentia de nostre information, per:

Assecurar que le projectos in omne linguas que describe personas vive ha politicas establite que fixa le attention al principios de neutralitate e verificabilitate in le articulos in question;
Considerar le dignitate human e respectar le confidentialitate personal quando on adde o remove information, specialmente in articulos de interesse ephemere o marginal;
Investigar nove mechanismos technic pro evalutar modificationes, particularmente quando illos concerne personas vivente, e pro adjutar le lectores a signalar problemas;
Tractar omne persona que ha un querela super como ille es describite in nostre projectos con patientia, gentilessa e respecto, e incoragiar altere personas de facer lo mesme.