Месец на украинската културна дипломатија 2023
Месец на украинската културна дипломатија 2023
1 март – 31 март
[Друштвени медиуми: #UCDMonth] • [Врска: ucdm.wikimedia.org.ua]
Добре дојдовте на уредувачкиот натпревар за подобрување на опфатеноста на украинската култура на Википедија.
- Што: Ова е јавен уредувачки натпревар кој има за цел да создава и подобрува статии за културата и луѓето на Украина на што повеќе википедии. Продолжуваме со натпреварот по успешните походи во 2021 и 2022 година. Предложениот список на статии го составија приредувачите на натпреварот. Најактивните учесници ќе добијат награди.
- Кога: Уредувачкиот натпревар ќе се одржи од 00:01, 1 март 2023 (UTC) до 23:59, 31 март 2023 (UTC).
- Како: Натпреварот има само 4 чекори: изберете статии на кои ќе работите → стекнувајте бодови за работата → соберете што повеќе бодови → добијте награда за вашите придонеси!
- Кој: Секој википедијанец со сметка на било кое вики може да учествува во пишувањето и/или преведувањето на статиите поврзани со украинската култура, на било кој јазик. За да учествувате, ќе треба да се пријавите во одделот „Учесници“.
- Зошто: Натпреварот го приредува Викимедија Украина во соработка со Украинскиот институт и Министерството за надворешни работи на Украина. На Википедија недостасуваат статии на најразлични теми, и со овој натпревар се трудиме да ги покриеме културните појави кои имаат значење за украинскиот народ. Со ова на читателите им обезбедуваме висококвалитетни информации.