Wikidata/Prašenja zawjedźenja

Tuta strona wotmołwja na powšitkowne prašenja, kotrež so za diskusije wo zawjedźenju Wikidata do Wikipedijow wujewja.

Powšitkowne

Čehodla maja strony we Wikidata mjena kaž Q123?

Wikidata je wjacerěčny projekt. Nochcychmy elementam identifikatory we wěstej rěči dać a přez to tu rěč napřećiwo wšěm druhim rěčam faworizować. Tohodla elementy we Wikidata čisło dóstawaja. Tute čisło je jónkróčny identifikator. Ale kóždy element ma pomjenowanja we wšěch móžnych rěčach, kotrež su zwjetša jenož titule wotpowědnych stronow Wikipedije. Wužiwaja so na Wikidata za lóše pytanje a bóle komplikowane procesy.

Kak zhonju, hač moje nastawki na Wikidata su wot wandalizma potrjechene?

Kóžda změna we Wikidata, kotraž so na nastawki poćahuje, kotrež na swojej Wikipediji abo sotrowskim projekće wobkedźbuješ, měli so w twojej wobkedźbowankach a w aktualnych změnach jewić. Jeli widźiš něšto njepraweho, dźi do Wikidata a porjedź jo.

Faza 1 (mjezyrěčne wotkazy)

Wikidata je so na mojej Wikipediji startował. Móžu započeć, mjezyrěčne wotkazy z nastawkow wotstronjeć?

Na lěwym boku kóždeho nastawka pod lisćinu mjezyrěčnych wotkazow maš kliknjomny šipk, kotryž na Wikidata wotkazuje. Jeli tomu tak je, móžeš mjezyrěčne wotkazy z nastawka wotstronić. Njewotstroń předłohi, kotrež wuběrne a dobre nastawki w druhich Wikipedijach pokazuja. Rozsud, hač tajke wotstronjenje je akceptabelne, přisteji zhromadźenstwu twojeho projekta.

Prošu wobkedźbuj, zo někotre boty najprjedy mjezyrěčne wotkazy, kotrež su so wotstronili, zaso zasadźeja. Tutón problem so sam rozrisa, dokelž boty so aktualizuja. Jeli to so stawa, móžeš botowemu wobsedźerjej zdźělenku pósłać, zo by jeho prosył, zo by swój bot aktualizował.

Jeli mjezyrěčne wotkazy w nastawku wostawaja, připisuja informacije z Wikidata.

Kak ma so z woprawdźe komplikowanymi mjezyrěčnymi wotkazami? Kak mam z tymi nětko wobchadźeć?

Je hišće móžno, mjezyrěčne wotkazy kaž prjedy we wikiteksće definować. Móžeš potajkim w tutych padach kaž dotal postupować.

Sym nowu stronu wutworił. Mam mjezyrěčne wotkazy přidać?

Jedna móžnosć je, wotkazy přidać. Su najskerje boty mjezyrěčnych wotkazow, kotrež hišće wotkazy do Wikidata přidawaja. Hišće lěpše rozrisanje: možeš do Wikidata hić, wotpowědny zapisk pytać (na přikład wužiwajo móžnosć "element po titulu" a pytajo nastawk w jednej z rěčow, w kotrejž do toho eksistowaše), a nastawk, kotryž sy wutworił, manuelnje zapiskej přidać.

Kak njepokazuju wotkazy z Wikidata na někajkej stronje?

Zo by wotkazy z Wikidata schował, wužij magiske słowo {{noexternallanglinks}}. Jeli je same, budu so wšě wotkazy na tej stronje wotstronjeć. Magiske słowo da so tež wužiwać, zo by specifiske mjezyrěčne wotkazy wotstroniło, jeli so z parametrami wužiwa. {{noexternallanglinks:dsb|hsb}} budźe na přikład delnjoserbske a hornjoserbske mjezyrěčne wotkazy wotstronjeć.

Faza 2 (infokašćiki)

When will this be deployed on my project?

Phase 2 has now been deployed on all Wikipedias. Sister projects are following.

Rěka wužiwanje Wikidata, zo budźe so Wikipedija w mojej rěči ze zarodkami wo kóždej małej wsy w swěće pjelnić?

Ně. Wikidata staja móžnosć k dispoziciji, jednore strony z wospjetowacym so wobsahom, kaž na př. wobydlerstwo, přestrjeń a hustosć wsow, lochko wutworić, ale leži pola zhromadźenstwa rozsudźić, kak so tuta móžnosć we Wikipediji twojeje rěče wužiwa. Strony wo wsach dyrbjeli so hišće přidać - Wikidata nima tuchwilu žane plany, zo by to awtomatisce činił.

Što stawa so z eksistowacymi infokašćikami?

Wone funkguja dale kaž dotal. Zo by so Wikidata wužiwał, dyrbi něchtó předłohu změnić a ju přiměrić.

Kak mamy k zhromadnemu měnjenju wo jara kontrowersnych temach přez rozdźělne Wikipedije dóńć?

To trěbne njeje. Wikidata móže šěroku paletu twjerdźenjow a referencow wopřimjeć, zo by je podpěrał. Jednotliwe zhromadźenstwa móža rozsudźić, kotre z nich preferuja w swojej Wikipediji abo sotrowskim projekće. W najhóršim padźe móžeš prosće wěste hódnoty lokalnje wobchować, kaž so to nětko stawa.

Kak móžemy daty z infokašćikow Wikidata zapřijeć?

Stej dwaj pućej. Za jednore wěcy móžeš zapřijimansku syntaksu wužiwać, kotraž so tu wopisuje. Za bóle kompleksne wěcy budźe Lua k dispoziciji stać.

Faza 3 (lisćiny)

Rěka wužiwanje Wikidata, zo dyrbimy lisćinowe nastawki wutworić? Nječinimy to w swojej rěči

Ně. Wikidata staja jenož móžnosć k dispoziciji, lisćinowe nastawki lochko a awtomatisce wutworić. Njetrjebaš ju wužiwać. Móžeš druhe funkcije Wikidata wužiwać, na přikład centralne składowanje mjezyrěčnych wotkazow, bjeztoho zo by móžnosć awtomatiskeho wutworjenja lisćinow wužiwał.