香港維基社群用戶組/2019年理事會選舉
2019年9月，用戶組理事會（之前叫用戶組聯絡委員會）就會改選，任期會喺2019年9月28日開始，為期一年。
誠邀諸位提名或者自薦成為用戶組理事會候選人。請將爾個呼籲廣發去郵件列表、互助客棧同博客。
時間表
下面嘅日期都包括首尾兩日︰
- 8月26號至31號︰通知期
- 9月1號至7號︰提名期
- 9月8號至10號︰冷靜期
- 9月11號至18號︰投票期
- 2019年9月28號至2020年9月27號︰新任理事會成員任期
徵集提名
申請資格
自薦之前，請仔細咁睇晒下面全文。如閣下未符下列要求，就可能會被取消資格。
申請成為理事會成員之前，閣下必須︰
- 同意遵守基金會地方自治體相關政策、用戶組協議及行為守則，同埋所有用戶組內部守則；
- 做咗用戶組成員六個月以上， 同喺一個維基媒體計劃貢獻唔少過三百次編輯；
- 直至提名期結束嗰刻為止，唔係《友善空間政策》定義下嘅「受禁制人士」；
- 願意向地方自治體委員會提供閣下線下身份證明及聯絡方法，以履行職責，成為自治體委員會主要聯絡人。
提名
請喺下面提名成員。唔係自薦嘅，獲提名者必須喺提名期完之前明確咁表示接受提名。
投票
選舉規則
- 爾次選舉會選出二至四名理事會成員。
- 如果提名期內少過兩人合資格參選，咁提名期就延長七日一次。
- 如果延長提名期之後，仍然少過兩人參選，選舉程序告終。前屆理事會成員任期自動延長九十日。九十日內，須另辦一次理事會選舉。
- 如果合資格參選人數量係二至四名，所有參選人都會自動當選。唔使投票。
- 如果合資格參選人數量多過四名，則按波達計數法開始投票，排序頭四名者當選。
投票者
投票者必須喺投票開始前做咗用戶組成員至少三十日，投票先至會有效。
唔該按喜好喺下面表格將所有嘅候選人排序。排序可以再改，亦都可以留低投票理由。
投票
結果
鑒於淨係得四個人合資格參選，咁所有四個參選人自動當選。
だ＊ぜ、無聊龍、1233同WhisperToMe會成為2019至2020報告年度理事會成員。