Spendnaufruaf 2012/Ibasetzung/Aufruaf vo da AdrianneW

1

I hob ewig und drei Dog braucht, um mit dea Novelln fiati z wean, oba i hob mi drin valiabt. In da fimftn Klass soit ma a Referat iba iagend a Thema hoidn. I hob ma de Literadua vom 19. Joarhundat ausgsuacht.

Heit bin i, wiasd vialleicht darodn hosd, Professorin fia Englische Literadua. I schreib in da Wikipedia, beorbat Artikl iba Schriftstejarinna wia de Mary Shelley und de Jane Austen, de wo "Pride and Prejudice" (Stoiz und Voruatei) gschriebm hod.

Wen i iba mei Orbat ba Wikipedia nochdeng, nacha betrocht i mi ned ois jemand, wo Informationa dazua gibt; i siag mi ois Leararin. Duach de Wikipedia is mei Wiakungskroas weit gressa ois wia jeds Klassnzimma. Aloa im letztn Monat is da Wikipedia-Artikl iba de Jane Austen mea wia 115.000 Moi ogruafa worn.

An meina Uni ko i af vui Quejn zuagreifa. Oba vui Leit hom koan Zuagriff drauf, weis wos kostn duat. Indem i ba da Wikipedia mitorbat, ko i hejfa, de Ungrechtikeit obzbaun.

I mog es Leana - scho imma. Deswegn glaab ia a fest dro, dass des fia jedn megli sei miassat.

Stimmst dem zua? Nacha untastitz ma zamma de Wikipedia.

Bio

Da Foaschungsschwaapunkt vo da Adrianne is de Britische Literadua vom 18. Joarhundat.In iara Funktion ois Postdoc fia Digitales Leana und Foaschn, untastitzt se iare Kollegn, neie Weg z findn, de Wikipedia in iare Schuiklassn eizbaun.