Recadación de fondos 2012/Tradución/Chamamento de GorillaWarfare
Banner
- Se queres podes ler:
Un chamamento persoal dunha
autora de 18.000 edicións na Wikipedia
Appeal
Dunha colaboradora da Wikipedia
Son unha estudante universitaria. Os libros de texto dun semestre cústanme 500 dólares. Coa Wikipedia podo conseguir miles de libros de información de balde.
Por isto non só leo a Wikipedia, senón que axudo a creala. É moi importante para min facer chegar este recurso a todos. Con 470 millóns de lectores ao mes, a Wikipedia é importante para moita xente en todo o mundo.
Hai tempo que a Wikipedia debeu esboroarse. Baséase no consenso, ao contrario que calquera outra comunidade. Non hai unha administración real, nin ningún consello executivo que examine cada edición e cada política. No canto disto, unha enorme comunidade de voluntarios traballa xunta para crear este recurso de coñecementos, gratuíto e libre de anuncios.
Deste xeito, a nosa comunidade de millóns de editores traballa xunta para crear enciclopedias en 283 linguas que, no seu conxunto, contan con máis de 20 millóns de artigos.
Facemos isto cun orzamento pequeno, comparado coas outras páxinas web máis visitadas. Para poder facer o noso traballo necesitamos unha infraestrutura estable: servidores, ancho de banda, programadores e mesmo avogados para protexer a nosa independencia. Todo isto está financiado polas doazóns dos lectores da Wikipedia. Podes pensar que uns poucos cartos son un pequeno gran de area, pero é o que en realidade fai todo posible.
Moitas grazas.