10個您想要新訊息框嘅原因

加泰羅尼亞話維基百科群體花咗好多時間通過由一個熱心用戶發起嘅維基計劃將訊息框 (你喺條目右上角見到嗰啲表格)更新。呢個先例已經上咗軌道,而我哋覺得值得將呢樣嘢推廣至其他語言嘅維基百科.我哋知道你都喺了解到呢啲訊息框點樣運作嘅時候都會想參與其中。冇錯,我哋可以比你唔同嘅原因去改每個有訊息框嘅條目,但係呢個10點嘅列表應該綽綽有餘:

1. 真係非常簡單: 即刻撇甩以前淨係加數據入訊息框都要打一大堆原始碼同一啲好繁複嘅項目參數嘅年代。只要加一個訊息框佢就會自動喺維基數據搵資料。
2. 一次過更新所有維基語言嘅資訊: 係維基數據改資料就會改動所有語言嘅維基百科。 譬如, 加入一個明星嘅死忌或者更新一個得獎名單就會實時更新所有維基百科版本。
3. 環球數據，地區色彩: 如果你寧願喺文章加入一啲地區色彩，呢啲訊息框可以俾你手動加入欄目並蓋過喺維基數據搵到嘅資料。你亦可以保留喺舊訊息框入面嘅資料... 仲有好多功能。
4. 更有規格: 呢啲訊息框會確保條目同其他有關聯嘅條目共享類似結構，令佢哋更易比較。
5. 將互動元素加入地圖：訊息框可以標籤位置，俾你一撳佢嘅位置，就會帶你去一個互動嘅OSM地圖。你依家可以俾同樣目標嘅維基計劃一個幫忙。
6. 俄羅斯娃娃：訊息框嘅欄位可以重疊：譬如，一篇有關一間組織嘅文章含有「總部」呢個欄位，就會激活載有知名大廈資訊嘅「建築物」訊息框。咁樣就可以解開一大串同條目有關但一開始並唔顯眼嘅資訊。
7. 簡易保養：類似嘅訊息框可以組成類似種類，咁就可以減少保養嘅需要，因為除咗佢哋會有共享同融合嘅設計，你仲可以冇需要為咁多樣辦保留頁面分類－實在簡便!
8. 呢個係一個合作計劃：由圖表框線嘅顏色到每個訊息框嘅欄目都需要大家一齊決策。所以不能科技有幾超卓都需要好多用戶嘅加入。
9. 一眼睇晒咁多資訊：有時候讀者會喺訊息框搵資料更加快捷，而佢哋只會喺想了解更多嘅時候先睇晒成篇文章。咁樣可以令讀者喺搵佢哋想要嘅資料或者數據嘅時候更加方便。
10. 一個新世界：我哋仲未探索呢啲新訊息框嘅無盡潛力。佢哋就好似維基百科本身，係一項永恆改變嘅工程。

呢個係一個例子：w:ca:Charles Robert Darwin。