مومینٹ چارٹَر/مَواد/کِردار تہٕ زِمہٕ دٲری
| This was a historical draft of the Wikimedia Movement Charter. The latest version of the Charter that is up for a global ratification vote from June 25 to July 9, 2024 is available in the main Meta page. We thank the stakeholders of the Wikimedia movement for their feedback and insights in producing this draft. |
- اتھ ڈرٛافٹ کِس تناظرَس مَنٛز
مومینٹ چارٹرس منٛز کردار تہٕ ذِمہٕ دٲری ہنٛد باب چھُ وِکیٖمیٖڈیا مومینٹ بڑاونہٕ خاطرٕ تبدیلیہٕ تَجویٖز کران۔ یہٕ چھُ یہٕ تہٕ تسلیٖم کران زِ کیٚنٛہہ ورٕکفلو چِھ تَبدیلیو وَرٲے جٲری روزان۔ یہٕ فٲصلہٕ چُھ موجود ورک فلو ہنٛز کارکردگی تہٕ تاثیرچ شناختھ کران۔ یم کامیاب طریٖقن برقرار تھاوان، تٔحریٖک چِھ یہٕ یقینی بناوان زِ ضروٗری کٲم چِھ ہموار تہٕ نتیجہ خیز آسان۔ نتیجس منٛز، ممبران چِھ مثبت تبدیلیہٕ تہٕ پننٕن اثر و رسوخ بڑھاونس پؠٹھ توجہ مرکوٗز کران۔ اتھ بابَس منٛز چھُ مقصد جدتک اپنٲئچ توازن برقرار تھاونَس تہٕ پٔتمی پٲٹھؠ چِھ کام کرن والؠن چیزن مَحفوٗظ تھاونَس درمیان، تاکہ اَکھ مربوط تہٕ اعلی کارکردگی ہنٛز تٔحریٖک پیدا گژھتھ۔
تَعارُف
وِکیٖمیٖڈیا تحریٖکَس منٛز ادارٕ تہٕ سٹیک ہولڈر چھِ پوٗرٕ تحریٖکَس منٛز کردارَن تہٕ ذمہٕ دٲریَن یوٗتاہ مُمکِن عَدٕل طور تقسیٖم تہٕ غٲر مرکزی کران۔
ذیلی اصول مُطٲبق، ذمہٕ دٲری چِھ سارِوٕے کھۄتہٕ کم ممکنہٕ سطحس پؠٹھ تفویض کرنہٕ یوان۔ یہٕ چُھ تتھ وقتس تام لاگو گژھان یوتام نہٕ مجوزہ عملہٕ ہنٛد مقصد اتھ سطحس پیٹھ کأفی حدس تام حأصل ہیکو نہٕ کٔرتھ مگر مجوزہ عملہٕ ہنٛد پؠمانہٕ یا اثراتن ہنٛد وجہ سۭتۍ، اعلی سطحس پیٹھ ہیٚکو بہتر پٲٹھؠ حٲصل کٔرِتھ۔ اعلیٰ سطحی ذمہ دٲرین خٲطرٕ، تم ادارٕ یم پورٕ تٔحریٖکٕچ نُمٲیندگی چِھ کران تم چِھ موجود۔ تم چِھ فٲصلہٕ سٲزی خٲطرٕ اتفاق راے تہٕ نتیجن خٲطرٕ احتساب خٲطرٕ ڈیزاین کرنہٕ آمت۔
زَضاکار
رَضاکار چھِ تٔحریٖک ہٕنٛدؠ اِنسٲنی مرکز۔ بطور اِنسان چھِ تِمَن وِکیٖمیٖڈیا تٔحریٖک کِس مِشنَس منٛز حِصہٕ ننہٕ خٲطرٕ خۄد مۄختٲری۔ وِکیٖمیٖڈیا کِس تناظرَس منٛز چھ رَضاکار اکھ سُہ شخص آسان یُس پننہٕ کوٗشِشن خٲطرٕ باقأعدٕ تنخواہ حٲصِل کرنہٕ وٲرے وِکیٖمیٖڈیا سرگرمین منٛز پنن وقٕت تہٕ تَوانٲیی چھ دان کران۔ تِم چھِ یہٕ یا تہٕ آن یا آف لایِن کران، مثلن مَنصوٗبہٕ اؠڈِٹ کَرٕنؠ، اِنتِظٲمی فرٲیِض، کمیٹی ہنٛز مصروفیت تہٕ ایونٹ آرگنائزیشنک ذریعہ۔ کینژن حالاتن منٛز چھُ رضاکار پننہ کوٗشِشن باپت معاوضہٕ وصول کرنٕک حَق تھاون یتھ کٕنہ زن خرچٕچ واپسی، یَنام، آلات سپورٹ، پیکج یا وظیفہ۔
گورننٕس ڈانٛچہٕ
رَضاکار ہیٚکن تٔحریٖکس منٛز اِنفِرٲدی یا اِجتمٲیی سرگرمؠن ہٕنٛدؠ پابند گژھتھ تہٕ کنہٕ تہٕ کھلہٕ گروپس، کمیونٹی، مَنصوٗبہٕ، اؠفلیٹ، یا ہَب سٟتؠ ہیٚکن مُنسلِک گژھتھ۔ وِکیٖمیٖڈیا تٔحریٖک چھِ تمن لوٗکن ہنٛز مشغلہٕگی ہنٛد ذٔریعہٕ ترقی کران یِم رَضاکارانہٕ طور چھِ حِصہٕ یِوان۔
زِمہٕ دٲری
رضاکاران چِھ تٔحریٖک ہٕنٛز بُنیاد۔ یمِچ بُنیاد پؠٹھ چِھ تٔحریٖک بَنان۔ یمن بغأر چھُ تٔحریٖک ہُنٛد وجودٕ نا مُمکِن۔ یِمَن ہٕنٛز شرکٔژ چِھ اِنفرٲدی طورس پؠٹھ مَنصوبہٕ اؠڈِٹ کَرٕنہٕ پؠٹھہٕ تٔحریٖکچ ترقی خٲطرٕ کمیونٹی بَناون تام شٲمِل۔
ذیلی اصول مُطٲبِق، ذمہٕ دٲری چِھ سارِوٕے کھۄتہٕ کم ممکنہٕ سطحس پؠٹھ تفویض کرنہٕ یوان۔ یہٕ چھُ تتھ وقتس تام لوگوٗ گژھان یوتام نہٕ مجوزہ عملہٕ ہنٛد مقصد اتھ سطحس پؠٹھ کٲفی حدس تام حٲصل ہیٚکو نہٕ کٔرِتھ مگر مجوزہ عملہٕ ہنٛد پؠمانہٕ یا اثراتن ہنٛد وجہ سٟتؠ، اعلی سطحس پؠٹھ ہیٚکو بہتر پٲٹھؠ حٲصل کرتھ۔ اعلیٰ سطحی ذمہ دٲرین خٲطرٕ، تم ادارٕ یم پورٕ تٔحریٖکٕچ نمائندگی چِھ کران تم چِھ موجود۔ تم چِھ فٲصلہٕ سٲزی خٲطرٕ اتفاق راے تہٕ نتیجن خٲطرٕ احتساب خاطرٕ ڈیزائن کرنہٕ آمت۔
حوٚقوٗق
- وِکیٖمیٖڈیا تٔحریٖکَس سٟتؠ رضاکارَن ہُنٛد تولُق چھُ پانہٕ رضاکارانہٕ: کانٛہہ تہ حد چھُنہٕ رَضاکار شَرکٔژ۔ رضاکارَن چھِ خۄد مۄختٲری حٲصِل زِ تِمَن ہٕنٛدِ شرکژ ہٕنٛز نوعیت تہٕ حدُک فٲصلہٕ ہیٚکن تِم پانہٕ کٔرِتھ۔
- پرٛتھ رضاکارس چُھ کُنہٕ تہٕ وقتس پؠٹھ تٔحریٖک تراونُک حق آسان۔ تِم ہیٚکَن کُنہِ تہِ وقتہٕ خٲطرٕ وقفہٕ نِتھ، یا ہیٚکَن فٲصلہٕ نِتھ زِ یہِ چھُ برٛونٛہہ پکنُک وق۔
- اَتھ کَتھِ ہُنٛد خیال تھاوُن زِ اِنفِرٲدی رضاکارَن گژھنش نہٕ زِیٛادٕ مُطالبہٕ کَرنہٕ یِنؠ. رضاکارَن چھُ ہمیشہٕ اضٲفی شرکژ یا راے باپتھ درخاستَن نکار کرنُک حق حٲصِل۔
- تٔحریٖکَس منٛز تمام رضاکارَن سٟتؠ گژھِ احترام کرنہٕ یُن تہٕ یِمَن گژھہِ مُنصفانہٕ طریقہٕ سٟتؠ حصہٕ نِنُک موقہٕ دِنہٕ یُن.
- پننین رضاکارن خٲطرٕ اکھ معاون تہٕ فٲیِدٕ مند ماحول برقرار تھاونہٕ خٲطرٕ، اخراجاتن ہنٛز ادایگی، ایونٹ انعام، گیجٹ، سپورٹ پیکیج، کہ لحاظہٕ معاوضہٕ خٲطرٕ ہیٚکن نگرٲنی مَنٛز فراہمی ٲستھ۔
برادری
وکیمیڈیا رضاکار کمیونٹی چھِ رضاکارَن ہٕنٛز جَمٲژ یِم وِکیٖمیٖڈیا مَنصوٗبن تہٕ سرگرمیہٕ بناونہٕ، تہٕ ترقی دِنہٕ خٲطرٕ آن لاین تہٕ آف لاین تعاون کران چھِ۔
وِکیٖمیٖڈیا کمیونٹی چھِ واریاہن شکلن منٛز موجود تہٕ مِثال موضوعٲتی، جغرافیأیی، لِسٲنی، یا مَنصوٗبن پؠٹھ مبنی ہیٚکن ٲستھ۔
گَورنینٕس
مَنصوٗبہٕ کمیونٹی چھِ لوٗکَن ہٕنٛز جَمٲژ یِم وِکیٖمیٖڈیا آن لاین مَنصوٗبن منٛز حصہٕ چھِ نِوان۔ تمن چِھ پننین پالیسین پؠٹھ اکھ بٔڑ خۄد مۄختٲری آسان، پننن سیاق و سباقن منٛز، ییٚلہٕ زن عالمگیر طرز عمل کین اصولن ہنٛز پاسداری چِھ کران۔ یہٕ خۄد مۄختٲری چِھ تٔجربٖک اکھ جذبہٕ فروغ دیوان یُس نئین سمٲجی تہٕ تَکنیٖکی نقطہ نظرن آسان چُھ بناوان۔
کمیونٹین چِھ پنن شرکژ گورننٕس ہنٛد عمل مرتب کران تہٕ یمن ہنٛز پیروی چِھ کران، یم اکہٕ کمیونٹی پؠٹھ دوٚہمہِ کمیونٹی منٛز چِھ مُختلِف آسان۔ کیٚنٛہہ کمیونٹین منٛز، یمن عملن ہنٛز حمایت تہٕ نگرٲنی خٲطرٕ چِھ کیٚنٛہہ کمیٹیہٕ تہٕ کردار موجود، بشمول مگر اتھ تام چِھ نہٕ محدوٗد: بیوروکریٹ، سٹیورڈ، اِنتِظٲمؠ، ثالثی کمیٹی ہنٛز رکنیت باقٕے۔ کمیونٹین سٟتؠ مِلتھ، تم چِھ موادٕچ پالیسیہٕ، منصوبن ہٕنٛز تَرقی تہٕ کٲم کَرنُک اَندازس نَطر تھاوان تہٕ ترقی، تہٕ تعاونک ذمہٕ دار۔
کیٛازٕ کہِ پرٛتھ کمیونٹی ہُنٛد گورننٕس ڈانٛچُک تعین چُھ پانہٕ کمیونٹی کران، توٲے چُھ ایکہِ منظم کمیونٹی ہنز کم نگرٲنی آسان مَگر پرٛتھ کمیونٹی کہِ طرفہٕ پیروی کرنہٕ خٲطرٕ رہنما اصولن ہند اکھ مجموعہٕ۔
زِمہٕ دٲری
کمیونٹی چِھ تٔحریٖکٕچ پاییدٲری تہٕ ترقی یقیٖنی بناونہٕ خٲطرٕ موجودٕ تہٕ مستقبلٕک مَنصوٗبَن ہنٛز مجموعی ترمیٖم، نگرٲنی، انتظام تہٕ توسیع خٲطرٕ ذمہٕ دار۔ تم چِھ پننن مَنصوٗبن منٛز کٔم کرنُک طریقہٕ تہٕ قونوٗنَن تشکیٖل دینہٕ تہٕ لوگوٗ کرنہٕ خٲطرٕ تہٕ پننن سیاق و سباقن منٛز سرگرمین ہنٛد اہتمام تہٕ برٛونٛہہ پَکناونہٕ خٲطرٕ تہِ ذمہٕ دار۔
مَنصوٗبہٕ کمیونٹی چِھ، عام طورس، حُکمرٲنی کین معاملاتن مَنٛز امہِ کمیونٹی ہنٛد صٲرفَن خٲطرٕ جوابدٕ۔
حوٚقوٗق
مَنصوٗبہٕ کمیونٹی چِھ پننہٕ مَنصوبکِس موادس پیٹھ مکمل ادارتی اختیار۔
کمیونٹی ہٕنٛز شمولِیَتھ چِھ تٔحریک ہٕنٛز طویل مدتی پاییدٔری ہُنٛد بُنیٲدی حِصہٕ۔ وِکیٖمیٖڈیا فاؤنڈیشن یا عالمی کۄنٛسل کہ طرفہٕ متعارف کردٕ کُنہٕ تہٕ تبدیلیہٕ خٲطرٕ یُس کمیونٹی ورک فلوزس مُتٲثر چُھ کران، متعلقہ برادرین گژھِ ٹھوس تہٕ بامعنے مشورٕ پیش کرنہٕ یُن۔ ورک فلو مُتٲثر کرن وٲل تبدیلین منٛز ہیٚکن انٹرفیس یا سافٹٕویرس منٛز تبدیلیہٕ شٲمل ٲستھ، یا عالمی منصوبہٕ یم تٔحریٖکٕچ حکمت عملی، یا ضٲبطہٕ اخلاق ہیوین کمیونٹین متٲثر کران چِھ۔ کیٚنٛہہ، یتھ کٔنؠ زن مومینٹ چارٹر ترمیٖم تہٕ چھِ مزید پابند توثیق ہنٛد تابع۔[1]
تمن معاملاتن منٛز ییتہٕ اہم مسابقتی مفادات امہٕ قٕسمٕچ مشاورتہٕ رُکاوان چِھ، عالمی کونٛسل یا ڈبلیو ایم ایفس پزھِ یہٕ وضاحتھ کرٕنؠ زِ مشورٕ کیٛازٕ ہیٚکہٕ نہٕ گژھتھ۔ حقیٖقی ہنگٲمی حالاتن منٛز، عالمی کونسل یا ڈبلیو ایم ایف ہیٚکن پنٛنِس اختیارس اندر کٲم کٔرِتھ، مگر امہٕ پتہٕ پزھِ یتھی وضاحتھ فَراہَم کرٕنؠ۔ اَمہِ پَتہٕ یِیہِ مَشورٕ تہٕ مُمکنہٕ جٲیزٕ نِنُک مۄقہٕ پیش کرنہٕ (بشمول عملہٕ مُمکِن ختم کرُن)۔ عالمی کۄنٛسل تہٕ ڈبلیو ایم ایفس پزھِ فٲصلن یا عملن پؠٹھ مشوَرٕ کرنہٕ برٛونٛہہ ڈی فیکٹو نتہٖجن تام واتنہٕ نش بچُن۔
تبدیلین ہنٛدس بارس منٛز معلومات تہٕ اپ ڈیٹس یمن ہنٛد اندازٕ چُھ کمیونٹی ورک فلوزس مُتٲثر کران، تہٕ کمیونٹی کین رُکنَن خٲطرٕ گژھن دستیاب تہٕ دریافت گژھن قٲبل آسُن۔ اپڈیٹس منٛز چِھ شٲمل، مگر چِھ نہٕ اتھ تام محدوٗد: جٲری منصوبہٕ تہٕ مواقع، ڈبلیو ایم ایف کِس بارس منٛز معلوماتھ، تہٕ عالمی کونٛسل (بشمول امچ ذیلی کمیٹیہٕ)۔ کمیونٹین چُھ سانہِ تحریک ہنٛد اقدار مُطٲبق مُنٲسب دستاویزن ہنٛد حق حٲصل۔ معلومات یۄس ظٲہر ہیٚکو نہٕ کٔرتھ تکیازِ قونوٗنس تحت شایع کرُن چُھ رازدار، نجی، ملکیت، یا ناجائز، یمن عوٲمی طور شایع کَرُن چھُنہٕ ٹھیک۔
تٔحریٖک اِدارٕ
مومنٹ اِدارٕ چھِ وِکیٖمیٖڈیا مومینٹَس اندر آزاد تنظیٖمہٕ یِم تسلیم کرنہٕ باپتھ رسمی عملہِ منٛزٕ گٔمٕژ چھِ۔ تِم چھِ آزاد علمٕک وِکیٖمیٖڈیا مَقصدس برونہ پَکناون، تحریکٕچ اقدارَن پٮ۪ٹھ عمل کران، تہٕ چھِ پننِس تسلیم شُدٕ دٲیِرٕ کارَس منٛز فٲصلہٕ سٲزی تہٕ نقل و حرکتٕچ حکمت عملی منٛز سرگرم آسان۔
تحریٖک اِدارٕ چھِ دلچسپی تھاون وٲلؠ رُکُن تہٕ رضاکار جمع کران، تہٕ مہارت کین مخصوٗص شعبن منٛز چھِ پنٕنؠ خٔدمت فراہم کران۔ ادارٕ چِھ ادارٕ جاتی مَدَتھ پیش کران، کٲم تفویض کران، تہٕ رضاکارن تہٕ باقٕے ادارن ہنٛز سرگرمیہٕ ترقی، آپریٹنگ تہٕ ہم آہنگی منٛز مَدَتھ کران۔
تٔحریٖک ادارٕ چھِ رکنیت بڑٲوِتھ، اتھہٕ واس بناوِتھ، تعاونَس فروغ دِتھ، تہنٛز مہارت بڑٲوِتھ، تہٕ پنٕنؠ کمیونٹی بیدٲری بہتر بنٲوِتھ وکیٖمیٖڈیا کمیونٹیَن ہٕنٛز ترقی تہٕ توسیع منٛز سہولتھ فراہم کران۔ تِم چھِ مُتعلقہٕ برادرین سٟتؠ رٲبطہٕ خٲطرٕ چینلہٕ کھولان تہٕ چھِ پنٛنؠن نمٲیندن بَنان۔ پنٛنہٕ نوعیت تہٕ کامہٕ ہُنٛد دٲیِرٕ کار وچھتھ، تم چِھ کمیونٹین مطلوبہ وسٲیِل تہٕ مَدَتھ بڑاونٕچ حؠمایتھ کران۔
طویل مدتی مقصد چُھ تحریکہٕ منز وسٲیِلن ہٕنز نقل و حرکت ادارن ہنٛدس سپیکٹرمس منٛز پھٔہلتھ تہٕ کُنہٕ اکہٕ ادارک غلبہٕ چُھ نہٕ تھاون، بٕلکہ عالمی کۄنٛسل تہٕ وِکیٖمیٖڈیا فاؤنڈیشن دۄشوٕنی ہنٛز نِگرٲنی ییہٕ کرنہٕ۔ یہٕ حٲصل کرنہٕ خٲطرٕ، اکھ عملی مرکزیت تیار کرنہٕ خٲطرٕ ییہٕ اسٹریٹجک شعبن منٛز ترقی ترجیٖح دِنہٕ۔
عالمی کونٛسل
(پَرَن والؠن خٲطرٕ نوٹ: عالمی کونسل کِس بارس منٛز معلوٗماتھ ییہٕ چارٹر کِس آر اینڈ آر چپٹرس منٛز ڈرافٹنگ عملہٕ کِس پتہٕ تکرار منٛز شٲمل کرنہٕ۔ مہربٲنی کْرِتھ کْرِو وُچھِو عالمی کۄنٛسل ڈرٛافٹ موجودٕ معلوٗماتھ باپتھ۔)
ہَب
(پَرَن والؠن خٲطرٕ نوٹ: ہَب کِس بارس منٛز معلوٗماتھ ییہٕ چارٹر کِس آر اینڈ آر چپٹرس منٛز ڈرافٹنگ عملہٕ کِس پتہٕ تکرار منٛز شٲمل کرنہٕ۔ مہربٲنی کْرِتھ وُچھِو ہَب ڈرٛافٹ موجودٕ معلوٗماتھ باپتھ۔)
وِکیٖمیٖڈیا اؠفلیٹ
وکیٖمیٖڈیا مومینٹ اؠفلیٹ چھِ وکیٖمیٖڈیا موومنٹٕک ادارٕ یِمَن عالمی کونسل تہٕ امچہِ مقرر کٔرمٕژ کمیٹی یا عالمی کونسل کِس آغاز تہٕ تسلیٖم آسن کَرنہٕ آمٔتؠ۔
اکھ مومینٹ اؠفلیٹ ہیٚکہٕ اکھ مخصوٗص جغرٲفیٲیی کوریج سٟتؠ اکھ وِکیٖمیٖڈیا چپٹر ٲستھ، اکھ موضورٲتی تنظیٖم، یتھ منٛز عالمی یا کراس علاقٲیی کوریج چِھ مگر اکھ الگ موضوع، تہٕ اکھ صٲرِف جَماتھ یۄس علاقٲئی سٟتؠ سٟتؠ موضوعٲتی تہٕ ہیٚکہٕ أستھ۔ اؠفلیٹ چِھ اکھ طریقہٕ یتھ منٛز جَمٲژ سرگرمین تہٕ شراکت دارین ہنٛز فراہمی خٲطرٕ تحریکس اندر ہیٚکن منظم ٲوِتھ۔
- گَورنینٕس
اؠُلیٹن ہنٛز تشکیٖل تہٕ گورنینٕس چِھ اؠفلیٹ خٲطرٕ امہٕ سیاق و سباق تہٕ ضروریاتن ہنٛد لحاظ سٟتؠ فٲصلہٕ کرنہٕ خٲطرٕ یلہٕ آسان یتھ منٛز یہٕ چُھ کٲم کران۔ فٲصلہٕ ساز چُھ اکھ اؠفلیٹ بورڈ یا یتھی پٲٹھؠ، تہٕ اؠفلیٹ چُھ تتھ جَمٲژ خأطرٕ جوابدہ آسان یمچ تم نُمٲیندگی چِھ کران - مثلن یمن ہنٛز رکنیت ہنٛد ادارٕ۔ اؠفلیٹن تہِ پزھِ تٔحریٖک کِس مقصدَس تہٕ اقدارن ہنٛز پابندی کرٕنؠ تہٕ تسلیٖم کیٛن معیارن پؠٹھ عمل کرٕنؠ۔
- زِمہٕ دٲری
اؠفلیٹ چِھ ہر اکھ کمیونٹین ہنٛز پاییدٲری خٲطرٕ ذمہ دار یمن سٟتؠ اؠفلیٹ ہنٛد طرفہٕ حؠمایت چِھ یوان کرنہٕ، تہٕ ٲخرس پؠٹھ یمن پزھِ براہ راست یا أند اکھ یا زیٛادٕ آن لایِن مَنصوٗبن مَدَتھ کرٕنؠ: پنٛنہٕ کمیونٹی اندر شموٗلیتھ، مشورٕ تہٕ تنوعچ سہولت فراہم کرٕنؠ۔ یونیورسل کوڈ آف کنڈکٹ برقرار تھاوُن۔ تہٕ پنٛنہٕ خطہٕ یا کامہِ کِس موضوٗعس منٛز شرکت دٲری تہٕ شریک تیار کرٕنؠ۔ وۄمید چھِ یِوان کرنہٕ زِ اگر تِم فنڈ جمع کرنُک انتخاب کران چھِ تیٚلہِ کرَن باقٕے فنڈ ریزنگ ادارن سٟتؠ ہم آہنگی۔ اؠفلیٹ چِھ عوٲمی طورس پؠٹھ قٲبلہِ رسٲیی رپورٹھ فراہم کٔرِتھ پنٕنؠ کٲم ظٲہِر کَرنہٕ خٲطرٕ ذمہٕ دار۔
کُنہٕ تہٕ ہَبس چُھ أکس اؠفلیٹس سٟتؠ مشورٕ کرنٕچ ضرورت یُس امہٕ کِس عملہٕ کس شعبس منٛز تجویٖز چُھ یوان کرنہٕ (یہٕ چُھ موضوعٲتی یا علاقٲیی)، تہٕ تٔحریٖکُک ڈانٛچہٕ تہٕ گورنینٕس منٛز کُنہٕ تہٕ مجودٕ تبدیلین پؠٹھ اگر تم کُنہٕ طٔریٖقہٕ اؠفلیٹن ہٕندِس کٲم کَرنَس پؠٹھ اثر چِھ ترٛاوان۔
وِکیٖمیٖڈیا فاؤنڈیشن
وکیٖمیٖڈیا فاؤنڈیشن چھِ اکھ غٲر سرکٲرؠ تنظیٖم (این جی او) یۄس وکیٖمیٖڈیا مومینٹ کین مُفت علم پلیٹ فارمَن تہٕ ٹیکنالوجی ہٕنٛز قونوٗنی طور ذمہٕ دار چھِ، تہٕ اَمِچ میزبٲنی ہٕنٛز ذمہٕ دار تہِ۔ یہِ چھُ اکھ تزویراتی سمت لوگوٗ کران یۄس پورٕ وکیٖمیٖڈیا مومینٹ پؠٹھ جٲری شرکت تہٕ نمایندگی سٟتؠ چلان چھُ۔
وِکیٖمیٖڈیا فاؤنڈیشنٕچ کٲم چھِ خاص ادارٕ یِتھ کٔنؠ زَن وِکیٖمیٖڈیا انڈومنٹ تہٕ وِکیٖمیٖڈیا انٹرپرائز سٟتؠ مکمل یِم الگ الگ قونوٗنی ادارٕ چھِ تہٕ یِمَن چھِ پنٕنۍ ضمنی قونوٗن۔
- گورننٕس ڈانٛچہٕ
وِکیٖمیٖڈیا فاؤنڈیشن (WMF) چُھ پَنُن ضمنی قونوٗنس منٛز پَنُن گورنینٕس ڈانٛچہٕ، یم بورڈ آف ٹرسٹیز تہٕ ڈبلیو ایم ایف پالیسین ہنٛد قراردادو سٕتؠ مکمل چِھ گژھان یم بورڈ آف ٹرسٹیز تہٕ ڈبلیو ایم ایف سٹاف ممبرن دۄشونی پیٹھ چِھ لاگو گژھان۔[2] بورڈ آف ٹرسٹیز، پننہٕ کم کھوتہٕ کم نصف رکنیت سۭتۍ کمیونٹیز سۭتۍ، چُھ اہم فٲصلہٕ ساز ، یتھ منٛز ڈبلیو ایم ایف چیف ایگزیکٹو آفیسر (سی ای او) خاطرٕ تفویض شدہ کٲم چِھ۔ ڈبلیو ایم ایف چُھ پننِس مفت علم مشن تہٕ وکیمیڈیا کمیونٹیزن خٲطرٕ جوابدٕ۔ ڈبلیو ایم ایف چھُ بورڈ آف ٹرسٹی تہٕ سی ای او عام فٲصلَن مُتعلِق وسیع وکیمیڈیا موومنٹَس مطلع کران۔ ڈبلیو ایم ایف چُھ یقینی بناوان زِ یہٕ انفارمیشن چِھ یلہٕ تہٕ ایسیس کرنس منز آسان۔
ڈبلیو ایم ایفس چُھ کمیٹیو ہنٛد ذریعہٕ مشورٕ تہٕ حمایت یوان کرنہٕ یم بنیٲدی طور مخصوص موضوعس منٛز علم تہٕ دلچسپی تھاون والؠن رضاکارن پیٹھ مشتمل چِھ، تہٕ چھِ ڈبلیو ایم ایف عملہٕ ہنٛد طرفہٕ مَدَتھ یوان کرنہٕ ہِم مُختلِف کِردار چھِ اَنجام دِوان۔
- زِمہٕ دٲری
ڈبلیو ایم ایف چھُ وکیٖمیٖڈیا مَنصوبن ہٕنٛز طویل مدتی پایدٲری تہٕ امچہِ نقل و حرکتٕچ ذمہٕ دار۔ ڈبلیو ایم ایف چھُ تِم سٔروَر برقرار تھاوان ییٚتہِ وکیٖمیٖڈیا مَنصوٗبن ہٕنٛز میزبٲنی چھِ یِوان کرنہٕ، تہٕ چھُ بُنیٲدی سافٹ ویر ڈویلپمنٹُک اِنٛچارج۔ ڈبلیو ایم ایف چھُ عالمی بینر فنڈ ریزنگ مُہِمَن ہُنٛد ذمہٕ دار۔ ڈبلیو ایم ایف چھُ وکیٖمیٖڈیا انٹرپرایز پروجیکٹُک تہِ ذمہٕ دار۔
ڈبلیو ایم ایف چُھ فاؤنڈیشنک قونوٗنی پہلون سمبالنہٕ تہٕ امکہٕ مجموعی گورننٕس ہنٛز نگرٲنی خٲطرٕ ذمہٕ دار، یتھ کیٛن زن بورڈ آف ٹرسٹیزس أندؠ پٔکہٕ عمل، سالانہٕ تہٕ ؤری وادٕ منصوبن ہنٛز ترقی، تہٕ وکیٖمیٖڈیا ٹریڈ مارکک تحفظ۔
وِکیٖمٖڈیا چُھ متلقہٕ مفلوجین سٟتؠ کَتھ باتھ کَران یم حِکمتہِ عملی تہٕ ضٲبطہٕ قونون تبدیلیو سٟتؠ مُتٲثر گژھن۔ یتتھ تہٕ گژھہٕ، یہٕ چُھ بیٖروٗنی قۄنوٗنی مَشورٕ طلب کَران۔
ڈبلیو ایم ایف کرِ عالمی کونسلس سٟتؠ مِلِتھ عمل پٲدٕ، تاکہ فنڈ ریزنگ منٛز شفاف، شٲمل تہٕ جوابدٕ طریقہٕ سٟتؠ ہم آہنگی یقیٖنی بناونہٕ۔ یہٕ عمل کرِ خاص طور پٲٹھؠ مختلف تٔحریٖکی ادارن ہنٛز ہِویے کوٗشش یا کوششن ہنٛز نقل نش بچنہٕ خٲطرٕ عمل واضح۔
ڈبلیو ایم ایف چُھ تحریک نؠبر گژھن وٲل پیشرفتن پؠٹھ نظرِ تھاوان یم تحریک کہِ عملہِ پؠٹھ اثر انداز چِھ کران، یتھ منز زَن قونوٗن سٲزی ہند معاملات تہٕ خطرس مَنٛز ہینہٕ آمژٕ برادری چِھ۔
نوٹ
مٔزیٖد پٔرِو
- بیٖروٗنی قونوٗنی راے یتھ ڈرٛافٹ بابَس مُتلِق فاوٗنڈیشن وِکی پؠٹھ
- وِکیٖمیٖڈیا فاؤنڈیشن ہٕنٛز قونوٗنی راے یتھ ڈرٛافٹ بابَس مُتلِق فاوٗنڈیشن وِکی پؠٹھ
- Wikimedia Foundation's replies to the questions about legal responsibilities at foundationwiki (5 January 2024)