Piagam Garakan/Isi/Diwan Glubal
| This was a historical draft of the Wikimedia Movement Charter. The latest version of the Charter that is up for a global ratification vote from June 25 to July 9, 2024 is available in the main Meta page. We thank the stakeholders of the Wikimedia movement for their feedback and insights in producing this draft. |
Latar balakang
Struktur wan alur gawi nang ada hudah dibaiki gasan ada wiwinang dalam panjatuan kaputusan ka Diwan Glubal. Kikiran adanya paalihan ngini gasan mambantar ulang kawinangan di dalam Garakan Wikimedia. Gawian nang pacang digawi antara lain parancangan struktur hanyar wan pamudilan ulang struktur tadahulu. Mayoritas matan kawinangan pacangan dijumput alih matan Yayasan Wikimedia (WMF) wan Diwan Pangawas WMF sarta dibarii ka Diwan Glubal.
Makna
Diwan Glubal marupakan awak tata atur gasan mangambangakan wan manggawi strategi garakan, taumpat di dalamnya laporan tahunan gasan prioritas pamulaan dahal dunia matan Garakan Wikimedia. Awak ngini baasal matan sukarilawan wan didukung ulih staf Yayasan Wikimedia. Sukarilawan di diwan glubal datang matan baragam unsur kapantingan di dalam Garakan Wikimedia. Diwan Glubal pacangan maningkatakan akuntabilitas wan katarbukaan panjatuan kaputusan gasan Garakan Wikimedia. Tujuan lain naitu panyadarhanaan aksis sumbar daya nang baada dalam Garakan Wikimedia sarta mambari kuasa lawan saikung urang wan kumunitas, sahingga kawa manumbuhakan rasa parcaya di antara sasama unsur kapantingan. Diwan Glubal jua batujuan gasan mamustiakan patokan wan kekeran nang handak dicapai gasan barbagai komite di dalam Garakan Wikimedia; manjulung pungsi pangawasan; sarta panjatuan kaputusan wan ampahan dahal eksekutif dalam dahal eksekutif wan dahal nang labih batikas.
Tujuan
Diwan Glubal hudah diatur gasan mamproposiakan gawian nang magun wan partumbuhan di dalam Garakan Wikimedia. Gasan ini, Diwan Glubal maatur tanggung jawab gasan manguati komunitas lawan cara nang adil.
- Diwan Glubal musti mamadahi Yayasan Wikimedia dalam ihtiar pagarumbungan duit gasan manjaga sumbar daya finansial gasan Yayasan Wikimedia, salaras lawan misi wan nilai-nilainya.
- Diwan Glubal musti maulah patokan wan panduan dalam pambatantaran duit nang adil gasan mandukung proyek, komunitas, afiliasi, kantur parait, wan entitas Garakan Wikimedia nang lain.
- Diwan Glubal musti manjatu kaputusan nang inklusif wan transaparan di dalam prusisnya, mambari bimbingan wan manggawi tanggung jawab eksekutif nang batikas atas entitas lintar garakan nang spesifik.
- Diwan Glubal musti maulah atawa mamudip komite gasan sabukuan tata atur afiliasi wan kantur parait.
- Diwan Glubal musti maulah saluran gasan manyamani aksis ka sumbar daya (duit, urang, wan pangatahuan) gasan saikung urang wan manjulung kuasa ka kumunitas lawan cara nang adil.
- Diwan Glubal musti manjamin akuntablitas dalam prusis paaturan wan patukan palapuran.
Tanggung jawab wan kawinangan tarkait
[Catatan gasan pambaca: kawinangan nang dijabarakan di bawah ngini marupakan catatan matan pamandiran Komite Pangurus Piagam Garakan (MCDC). Samunyaan kalimat mamarluakan katarangan halus atawa gasan gasan marinciakan sarta manjalisi kalimat ngitu, lamun hudah dijadiakan. Babarapa tanggung jawab dibariakan catatan tambahan ulih Tim Legal WMF.]
Maakuri pruyik Wikimedia basa hanyar - maulah patokan
- Komite Basa (LangCom) malapurakan ka Diwan Glubal. Diwan Glubal nang manantuakan kaputusan uncit ihwal bantuk wan strukur LangCom, badasar katatapan Piagam Garakan.
- Diwan Glubal kawa mambujuri prasarat gasan pruyik basa nang diakui.
- Diwan Glubal kawa mamilih gasan mambulihakan LangCom gasan mambarii pangakuan langsung pruyik basa hanyar atawa manahani kawinangan gasan awak buhannya surang.
- Dalam struktur hanyar ngini, LangCom ditugasakan gasan mamverifikasi pruyik nang dirakis panting atawa kawa haja gasan didukung.
Maakuri pruyik dingsanak hanyar - mamarluakan tanda tangan parsatujuan
- Diwan Glubal baisi kuasa gasan maakuri pruyik dingsanak hanyar dalam Garakan Wikimedia. Kaputusan pacangan disasuaiakan lawan papadah kabarhasilan suatu pruyik nang dijulung ulih Diwan Teknologi sarta dukungan matan pihak nang jadi urganisasi ampun rumah gasan pruyik hanyar nang ngitu. Wayahini, WMF marupakan urganisasi ampun rumah gasan samunyaan pruyik Wikimedia.
- Diwan Glubal pacangan mampartimbangakan sisi teknis wan papadah kabarlangsungan sumbar daya matan Diwan Tiknulugi wan jua urganisasi ampun rumah pruyik nang ngitu sarta pacangan maitihi apakah pruyik pacangan rasuk lawan nilai Garakan Wikimedia. Diwan Glubal jua pacang maitihi apakah hudah ada dukungan nang mayu dalam hal calun sukarilawan aktip.
- [Catatan:papadah tanggung jawab ngini kawa dimudip imbah paulahan Satuan Gawi Pruyik dingsanak.]
Panutupan pruyik basa wan dingsanaknya
- Diwan Glubal baisi hak gasan mamutusakan kaputusan gasan manutup pruyik basa. Diwan Glubal kawa manantuakan kriterianya surang tantang apakah handak mamungut sual-sual nang kaya ngitu. Amun kada bapundi, panitia basa (LangCom) nang pacangan mamutusakan.
- Panjatuan suara gasan paakuran Diwan Glubal diparlukan gasan prusis pantupan pruyik dingsanak. Diwan Glubal kawa manantuakan kriteria tambahan sabalum mamungut suara. Kabarhasilan gasan kabarlangsungan pruyik wan kaparluan gasan manutup pruyik pacangan diitihi sacara sabukuan sabalum pamungutan suara paakhiran ulih Diwan Glubal.
- Diwan Glubal, malalui LangCom, pacang baisi kawinagnan gasan manantuakan patokan gasan manutup sabuting pruyik hintalu. Lamun kadada tindakan matan Diwan Glubal, LangCom pacangan malanjutakan mamakai patokan inya surang.
Kumite Tiknulugi
[Catatan gasan pambaca: Kumiti Tiknulugi magun dalama pamandiran panambayan. Maraga ngitu, habar nang ada magun kurang rinci dibandingakan papadah nang lain. Umpan balik wan pamikiran wan kumunitas pacangan liwar manulungi.]
- Diwan Glubal pacangan bacaram lawan Tim Prudak wan Tiknulugi WMF wan komunitas sukarilawan tiknulugi gasan mandiriakan Kumiti Tiknulugi. Kaputusan uncit ihwal struktur wan diritan Kumiti Tiknulugi pacangan dimustiakan ulih Diwan Glubal.
- Kumiti Tiknulugi balapor ka Diwan Glubal. Kumiti ngini dijulung gawian sawagai jumbatan hagan Diwan Glubal, WMF, wan kumunitas Tiknulugi.
- Kumiti Tiknulugi pacangan baisi amanat gabungan nang mancakup:
- Pamustian danul priuritas gasan pangambangan tiknis
- Rancana pangambangan umum gasan kayapa cara manjuhut priuritas nang tadi
- Paningkatan mitudilugi gasan manggarumbungakan wan pamanfaatan umpan balik dalam pangambangan tiknis
- Kumiti Tiknulugi pacangan mausulakan prioritasnya wan rancana ka Diwan Glubal. Diwan Glubal baisi kakuatan gasan maakuriakan atawa mampasah rakisan nang dirakis.
Paiihan wan Pamasahan afiliasi: maatur patokan wan manjatu kaputusan nang dikontrol
- Diwan Glubal pacangan baisi kawinangan gasan maaihakan atawa mamasahakan paiihan afiliasi malalui sabuting subkumiti (Kumiti afiliasi). Diwan Glubal pacangan kawa maatur atawa mamudip patokan gasan afiliasi sakira diihakan, magun diihakan, wan kawa manarima duit hibah. Patokan dasar ngitu imbahnya pacangan diandak dalam Piagam Garakan.
- Kumiti Afiliasi pacangan balapor lawan Diwan Glubal. Diwan Glubal kawa manjatu kaputusan uncit gasan bantuk wan struktur Kumiti Afiliasi rasuk lawan kamustian nang ada dalam Piagam Garakan.
- Diwan Glubal kawa mambolehakan Kumiti Afiliasi gasan manggawi prusisi paiihan afiliasi sacara langsung atawa manahani kawinangan gasan awak buhannya surang.
- Di struktur hanyar ngini, Kumiti Afiliasi dijulungi gawian gasan mamverifikasi bahwa afiliasi kawa manulungi baaktip kaunaan pruyik Wikimedia.
- Sawagai tatambahan, Kumiti Afiliasi pacangan manggarumbungakan wan manilai bukti nang dipakai dalam prusis pamasahan afiliasi sarta manjulung papadah. Samunyaan ngini pacangan diakurakan atawa kada ulih Diwan Glubal.
- Diwan Pangawas Yayasan Wikimedia magun manahani kawinangan gasan pamasahan paiihakan afiliasi maraga panyalahgunaan mirik dagang, piduhal hukum, atawa kaadaan darurat. Kacuali gasan piduhal darurat, paakuran Diwan Glubal pacangan diparluakan gasan kaputusan ngini.
- Ada tiga tumbung afiliasi: mitra lukal, urganisasi tematik, wan kalumpuk pamakai. Pandirian jenis afiliasi hanya pacangan dijulung ka Diwan Glubal/Kumiti Afiliasi lawan paakuran ulih Diwan Pangawas Yayasan Wikimedia.
Paiihan wan Pamasahan Kantur Parait: Paatur patokan wan manjatu kaputusan langsung
- Diwan Glubal pacangan mamodip sarat gasan Kantur Parait diihakan, wan magun diihakan, wan kawa dapat duit hibah. Patokan dasar ngini imbahnya di andak dalam Piagam Garakan.
- Diwan Glubal batanggung jawab langsung gasan paiihan wan pamasahan Kantur Parait.
- Ruang cakupan Kumiti Afiliasi diludangi sakira kawa maevaluasi Kantur Parait. Kumiti pacangan batanggung jawab gasan panggarumbungan bukti wan panjanakan kriteria, wan manjulung pamadahan ka Diwan Glubal sakira Kantur Parait diihakan.
- Kumiti Afiliasi pacangan batanggung jawab gasan manjanaki fungsi kantur parait, kapasitas wan manilai bukti sabalum manjulung pamadahan ka Diwan Glubal dalam kaitan pamasahan Kantur Parait.
- Diwan Pangawas Yayasan Wikimedia magun manahani kawinangan gasan pamasahan paiihaan afiliasi maraga panyalahgunaan mirik dagang, piduhal hukum, atawa kaadaan darurat. Kacuali gasan piduhal darurat, paakuran Diwan Glubal pacangan diparluakan gasan kaputusan ngini.
- Diwan Glubal bagawi lawan Kantur Parait wan tim nang takait lawan Yayasan Wikimedia gasan mamungkinakan adanya bacaram lintas kantur parait wan, lamun diparluakan, gasan ihwal mediasi.
Pamajuan afiliasi wan Kantur Parait
- Diwan Glubal pacangan manjanaki ihtiar pamajuan garakan malaui pamandiran lawan Kumiti Afiliasi wan kantur parait.
- Kumiti Afiliasi batanggung jawab sabukuan gasan ihwal panduan pangambangan urganisasi sarta mamustiakan paasian ka prinsip tata atur nang baik.
Manggarumbungakan duit
- Diwan Glubal kada manggarumbungakan duit pakai cara apa haja
- Diwan Glubal, lawan dukungan Yayasan Wikimedia, pacangan mangambangakan kabijakan nang diasi ulih samunyaan entitas di Gerakan Wikimedia nang bakaitan lawan panggarumbungan duit. Hal ngini taumpat jua aturan nang kawa disasuiakan lawan konteks lokal wan kaparluannya.
- Diwan Glubal wan Yayasan Wikimedia pacangan bacaram gasan prusis pamandiran panggarumbungan duit gasan Garakan Wikimedia.
Panjulungan duit:
- Diwan Glubal pacangan manjulung papadahan ka Diwan Pangawas Yayasna Wikimedia ihwal kriteria nang diparluakan dalam tupik pangalokasian duit hibah nang ditarima gasan dana umum kumunitas, Kumiti Hibah Regional, wan jua sistim panjulungan duit lintas wilayah.
- Kumiti Hibah Regional pacangan balapor ka Diwan Glubal gasan manampaiakan aktivitas nang efektif, adil, wan kawa dipartanggungjawabakan.
- Partakunan tabuka ihwal panjulungan duit
- Apa mustinya peran Diwan Glubal ihwal panjulungan duit?
- Paawasan atawa paninjauan kaputusan Yayasan Wikimedia
- Mamandiriakan pasal ngitu ka Yayasan Wikimedia
- Nang lain (muhun dijalasakan)
- Apakah musti ada kumiti nang balapor ka Diwan Glubal wan manggawi panjulungan duit tapusat/lintas wilayah?
- Apa mustiny peran Diwan Glubal ihwal pambantaran duit hibah di dalam Yayasan Wikimedia?
- Pambantaran duit hibah dalam Yayasan Wikimedia musti dipandirakan ka Diwan Glubal.
- Diwan Glubal kada baisi peran pambantaran duit hibah dalam Yayasan Wikimedia wan buhan Diwan Glubal parlu dihabari haja.
- Nang lain (muhun dijalasakan)
Kabijakan Situs Glubal - rakisan ditarik baasa maraga veto takait piduhal hukum
Ringkasan rakisan nang dihapus: Diwan Glubal pacangan jadi pihak nang dibawai bapandiran lamun ada parubahan dalam ihwal kabijakan glubal Yayasan Wikimedia. Diwan Glibal kawa maindah hal ngitu kacuali dasar diamanatakan sacara hukum.
Alasan cungulnya rakisan ngini: salawas prusis pra-Kumiti Parumus Piagam Garakan (MCDC), ada harapan bahwa kabaradaaan Diwan Glubal pacangan kawa mangurangi karancakan wan skala piduhal Komunitas atawa Yayasan Wikimedia. Piduhal kawa ada maraga sapalih alasan, sarta ihtiar nang dirancanaakan dalam paningkatakn konsultasi wan babarap segi, nang kaya Kumiti Tiknulugi, diharapakan kawa manulungi maatasi piduhal ngini. Tagal, kabijakan wan tindakan dalam tingkat glubal nang ada marupakan panyabab piduhal di wayah dahulu. Kumiti Parumus Piagam Garakan marasa bahwa hal ngitu kawa malindat cungulnya piduhal dalam danul ngini di wayah nang dihadap.
Ringkasan alasan pahapusan sacara hukum: Tindakan kabijakan glubal Yayasan Wikimedia kabanyakan sasuai evaluasi risiko/partimbangan parsonal, lain matan panapsiran kadada bias. Ada babarapa kakawitaran bahwa sapalih kabijakan ditarapakan gasan malindat paulahan paaturan nang bapiduhal.
Pintaan: Rakisan lain nang kawa dipakai gasan mangurangi dampak, lamun kada mahapusakan, piduhal ganal antara kumunitas wan Yayasan Wikimedia ihwal kabijakan situs glubal di wayah nang dihadap.
Kaamanan pamakai
- Diwan Glubal baisi peran sawagai pamadah ihwal kaamanan pamakai, nang kaya malaui bantuan palatihan wan bacaram.
- Wiwinang rasmi magun baada di awak tarkait (pruyik lukal, Kumiti Kuurdinasi Kudi Etik Universal (U4C), Tim Kaparcayaan & Kaamanan (Trust & Safety), wan lainnya).
Midiasi
- Diwan glubal jua pacangan baisi paran sawagai midiatur dalam piduhal antara duwa entitas atawa labih, lamunnya piduhal kada kawa diampihakan di antara buhannya. Diwan Glubal pacangan batindak sawagai pihak tangah sakira manulungi panuntungan piduhal wan/atawa midiasi.
Struktur
[Catatan gasan pambaca: ada babarapa mudil struktur Diwan Glubal. Kami maundang angguta kumunitas gasan manjulung pamadahan salawas pariudi konsultasi]
- Partakunana tabuka ihwal struktur
- Apakah Diwan Glubal sawagai awak eksekutif wara atawa awak eksekutif lawan diwan pamadah? (janaki mudil di bawah ngini)
- Lamun Diwan Glubal marupakan awak eksekutif lawan diwan pamadah, barapa urang gasan masing-masing ngini (awak eksekutif wan diwan pamadah)?
- Lawan malihat ukurannya, Diwan Glubal musti baragam wan bapangaruh, tagal kada talalu ganal maraga mangurangi kaefektifannya. Sawagai sabuting awak eksekutif, barapa urang nang jadi Diwan Glubal?
- Pilihan 1: 9-13 ikung urang
- Pilihan 2: 17-21 ikung urang
.jpg)
Mudil 1: Diwan Glubal sawagai awak eksekutif
Awak eksekutif Diwan Glubal pacangan diulah mamakai dua cikang, kursi XX aslinya di "Tranche 1" wan kuris XX aslinya di "Tranche 2".[1][2]
| Tahapan 1 | Tahapan 2 | Ditunjuk | |
|---|---|---|---|
| Jumlah urang | 5 pilihan kumunitas 3 pilihan apiliasi |
5 pilihan kumunitas 2 pilihan apiliasi |
2 (nang saikung musti urang nang bagawi di Yayasan Wikimedia) |
| Prusis pamilihan | Kursi pilihan matan kumunitas dipilih dalam pamilihan tarbuka wan digawi gasan angguta kumunitas saduniaan. Pinanya, ada tikas gasan pruyik-pruyik nang baisi dahal kacungulan tinggi di dalam Garakan Wikimedia. Kursi apiliasi pacangan dipilih matan daptar sapalih calun. Saban mitra lukal/urganisasi tematis wan garumbungan kalumpuk pamakai pacangan dapat 1 suara. |
Dipilih ulih urang Diwan Glubal tapilih. Yayasan Wikimedia marakis badalnya. | |
| Lawas manjabat | Lawas manjabat standar salawas 2 tahun. Pangacualian ada pas danul pamulaan kaanggutaan Diwan Glubal sarta saat panyaimbangna pulang jumlah angguta tahap tartantu. | Lawas manjabat palawasnya wan standar salawas 2 tahun. Diwan Glubal kawa mahindipi lawas manjabat gasan marasukakan lawan pamilihan. | |
| Kabadalan/Tujuan | Angguta mambadali Garakan Wikimedia sabukuan. Tujuan buhannya pacangan dimustiakan ulih misi Diwan Glubal sarta kaparluan wan harapan bubuhan pamilih. | Intinya dimustiakan lawan kaahlian wan pangalaman tartantu. | |
| Tahapan | 2024 | 2025 | 2026 | 2027 | 2028 | 2029 |
|---|---|---|---|---|---|---|
| 1 | 5 ikung | 5 ikung | 5 ikung | |||
| 2 | 5 ikung | 5 ikung | 5 ikung | |||
| 1 | 3 ikung | 3 ikung | 3 ikung | |||
| 2 | 2 ikung | 2 ikung | 2 ikung | |||
| saikung | saikung | saikung | ||||
| saikung | saikung | saikung | ||||
Angguta matan kumunitas Angguta matan apiliasi Urang nang ditunjuk Urang nang ditunjuk/urang nang bagawi di Yayasan Wikimedia
Mudil 2: Diwan Glubal jadi awak eksekutip lawan diwan pamadah
Diwan Glubal pacangan baisi diwan pamadah; diwan pamadah pacangan bagawi sawagai awak konsultasi gasan Diwan Glubal wan jua sawagai badal kumunitas. Awak ngini pacangan baisi kakiraan 70-100 ikung nang diayak atawa dipilih.
- Mudil 2.1 Diwan Pamadah & Diwan Glubal, kaduwanya pacangan malingkangi sistim pamilihan
- Pacangan ada paayakan atawa pamilihan gasan diwan pamadah wan awak eksekutip Diwan Glubal.
- Mudil 2.1.1
- Dua paayakan atawa pamilihan tahalat: sabuting gasan diwan pamadah wan sabuting gasan awak eksekutif Diwan Glubal.
- Mudil 2.1.2
- Satu prusis pamilihan atawa paayakan. Calun paningginya diritan ka 9-21 (sasuai lawan jumlah kursi nang ada) pacangan dimasukakan ka dalam awak eksekutif Diwan Glubal. Calun ka 70-100 pacangan jadi diwan pamadah.
- Mudil 2.2 Diwan Pamadah mamilih awak eksekutif Diwan Glubal.
- Diwan pamadah diayak atawa dipilih pamulannya, wan imbahnya mancalunakan anggutanya diritan ka 9-21 (sasuai matan jumlah kursi nang ada) matan dalam kalumpuk buhannya gasan mamingkuti gawian sawagai awak eksekutif Diwan Glubal.
Kaanggutaan
- Kalumpuk hinti Diwan Glubal pacangan baisi jumlah urang sabanyak XX [partakunan tabuka di atas]
- 9-13 ikung
- 17-21 ikung
- Kamungkinan panikasan kaanggutaan Diwan Glubal, taumpat kadadanya panikasi ("baca parnyataan di bawa ngini").
- Diwan Glubal kawa mambulihakan pambanyaknya 2 ikung urang nang bagawai atawa Diwan Pangawas Yayasan Wikimedia sawagai urang panjanak nang kada baisi hak pilih. Diwan Glubal kawa maatur sarat nang diparluakan gasan bubuhan angguta panjanak ngini.
- Angguta Diwan Glubal kawa jadi anguta matan kumiti atawa subkumiti nang malapor ka Diwan Glubal. Tagal, lamun kumiti atawa subkumiti nang malapor kada baisi angguta matan Diwan Glubal, maka kumiti nang gitu musti baisi saikung parait gasan Diwan Glubal.
- Sabarataan angguta baisi hak pilih sabuting suara gasan saban kaputusan di Diwan Glubal.
- Bubuhan angguta mamingkuti gawian gasan Wikimedia sawagai sabuting kasatuan wan kada bagawi gasan jadi pambadalan matan subkalumpuk, wilayah, atawa entitas dalam Garakan Wikimedia.
- Saban angguta bagawi salawas 2 tahun lawas manjabat.
- Partakunan tabuka gasan Kaanggutaan
Gasan mamustiakan badal nang adil, kasaimbangan kuasa, sarta manjunjung kabaragaman wan inklusivitas dalam Diwan Glubal, kami parlu papadah gasan babarapa hal ngini:
- Mustikan ada tikasan kaanggutaan hiwal badal Garakan Wikimedia?
Muhun bantar pandapat Pian nang bakaitan lawan babarapa kriteria nang pinanya pacangan baisi tikasan, nang kaya:
- Mustikah ada panikasan par andakan, nang kaya paling kada 3 calun matan sabuting wilayah? Lamun ada, muhun jalasakan labih lanjut.
- Mustikah ada tikasan saban pruyik atawa entitas, nang kaya paling kada 2 ikung matan sabuting pruyik Wiki atawa afiliasi? Lamun iih, muhun jalasakan labih lanjut.
- Mustikah ada tikasan gasan kumunitas basa, pruyik, atawa afiliasi nang baskala ganal, [3] nang kaya kada labih matan 5 kuris matan 5 pruyik pangganalnya? Lamun iih, muhun jalasakan labih lanjut.
- Mustikah ada tikasan lain gasan kaanggutaan Diwan Glubal? Lamun iih, muhun jalasakan labih lanjut.
Prusis Pamilihan
- Sabarataan calun gasan saban pariudi pamilihan pacangan diulah dalam daptar tunggal calun.
- Calun matan kumunitas pacangan dipilih badasarakan cara pamungutan suara tunggal nang kawa dialihakan.
- Calun lawan sistim paanyakan pacangan dipilih ulih afiliasi lawan pamungutan suara tunggal nang kawa dialihakan. Surang-surang afiliasi kawa manjulung 1 suara.
- Kandidat lawan rengkeng paningginya matan afiliasi pacangan dipilih wan imbahnya dihapus matan daptar calun. Imbahnya, calun paningginya matan kumunitas pacangan dipilih.
- Standar kalayakan gasan pamungutan suara kumunitas pacangan disasuiakan lawan standar nang hudah diakuri ulih Garakan Wikimedia.
Kriteria calun & panikasan
- Calun musti mahibaki sarat kalayakan matan pamilihan Diwan Pangawas Yayasan Wikimedia gasan maajuakan pancalunan.
- Calun kawa dibayar WMF, apiliasi, atawa kantur parait, stap/kuntraktur tagal musti mangungkapakan habar ngini bajalas pada awal pamilihan
- Angguta kada bulih jadi urang nang bagawi salawas manjabat tanpa harus kaluar matan jabatan buhannya.
- Bubuhan angguta bulih bagawai salawas 4 tahun baturut-turut haja (satara lawan lawas jabatan dua kali) sawagai urang Diwan Glubal. Jeda salawas anam bulan diparluakan sakira saikung angguta kada dianggap mamingkuti jabatan baturut-turut.
- Calun musti baisi kadudukan nang baik di mata kumunitas (artinya, buhannya haratan ditangguhakan atawa kada dibulihakan umpat).
- Angguta diharapakan kawa titir umpat dalam saban kagiatan Diwan Glubal.
- Angguta musti siap gasan manandatangani wan maasi lawan paraturan kabijakan habar saikung urang, taumpat parjanjian larangan pangungkaian hiwal hinip.
Tikasan wan parlindungan
[Pacangan ditulis imbah adanya parkambangan nang takair lawan kawinangan wan tanggung jawab. Maraga dahal kapantingan tikasan/parlindungan pacangan bagantung lawan hal ngitu.]
Catatan
- ↑ Lampiran (implementasi): Dalam prusis pamilihan asalnya, 6 ikung urang nang tapilih ulih kumunitas wan 3 ikung urang nang tapilih ulih angguta afiliasi pacangan manarima 3 tahun di Tranche 1, lawan nang angguta nang ada manarima 2 tahun di Tranche 2. Pauncitan tahun ka dua, Tranche 2 pacangan maadakan pamilihan, lawan angguta imbahnya manarima wayah jabatan salawas 2 tahun.
- ↑ Lampiran (baundur diri):Lamun baundur diri (atawa kaluar matan jabatan) haratan piriudi, kursi ngitu pacangan diisi di pamilihan imbahnya. Lamun parubahan ngitu maulah ukuran Tranche baganal jadi 9 ikung urang, maka kursi hanyar pacangan jadi jangka wayah hibak. Lamun Tranche baganal sampai 10 kursi labih, maka urang nang paling bahwa pacangan manarima jangka 1 tahun.
- ↑ Ditantuakan matan jumlah panyumbang aktip par pruyik wan angguta nang kawa mamilih matan afiliasi
Bacaan nang tajauh
- Umpan balik legal matan luar gasan danul rancangan ngini di foundationwiki
- Umpan balik legal Yayasan Wikimedia gasan danul rancangan ngini di foundationwiki
- Wikimedia Foundation's replies to the questions about legal responsibilities at foundationwiki (5 January 2024)